Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Samiti me mjekët e diasporës, Manastirliu: Kontribuoni që të ngremë një model të ri me spitalin e Fierit

Politiko 24 Shkurt 2021, 13:03

Samiti me mjekët e diasporës, Manastirliu: Kontribuoni që të

Ministrja e Shëndetësisë dhe Mbrojtjes Sociale, Ogerta Manastirliu dhe ministri i Shtetit për Diasporën, Pandeli Majko kanë vlerësuar kontributin e profesionistëve të shëndetësisë në Diasporë, në Samitin që u mbajt sot në mënyrë virtuale.

Ndërsa falenderoi mjekët për punën e tyre gjatë këtij vitit pamndemik, ministrja Manastirliu tha se qeveria ka vendosur bonuse speciale për mjekët dhe infermierët, për t'i përkrahur në luftën kundër Covid-19”.

"Dua që të falenderoj të gjithë mjekët kudo, brenda dhe jashtë vendit për rolin që ata kanë patur përgjatë një viti që konsidohet më sfiduesi, në këto 100 vitet e fundit. Dua të falenderoj mjekët e diasporës për kontributin e dhënë jo vetëm për informacionet për publikun përmes medias, por edhe për bashkëpunimin për të përmirësuar protokollet mjekësore.

Rritja historike e pagave, e konkretizuar këtë vit me 40% dhe në tërësi në këto 8 vite me 57% rritje pagash në të gjithë vendin, në të gjitha nivelet, nga ai parësor në atë terciar është një premtim I mbajtur për profesionistët e shëndetit. Gjithashtu, për të gjithë mjekët që punojnë në Shqipëri dhe ofrojnë shërbim jashtë vendbanimit, Qeveria ka alokuar një bonus të veçantë 2.5 milion lekë plus pagës.

Duhet theksuar se përgjatë pandemisë, për të gjithë personelin mjekësor, mjekë, infermierë, staf mbështetës në spitalet Covid apo aty ku u shërbëhet pacientëve me Covid19, qeveria ka vendosur bonusin special 1 mijë euro për mjekët dhe infermierët dhe 500 euro për personelin mbështetës, për të përkrahur mjekët, infermierët në frontin e parë të luftës kundër Covid19”, tha Manastirliu.

Duke folur për mënyrë e re të menaxhimit spitalor, Manastirliu u ka bërë thirrje mjekëve të diasporës për të kontribuar për krijimin e modelit të ri të autonomisë që pritet të fillojë nga spitali që po ndërtohet në Fier.

“Spitali Rajonal Memorial në Fier, që po ndërtohet falë ndihmës së Turqisë, do të jetë spitali i parë që do të pilotojë autonominë spitalore. Modeli që do të zbatojmë në spitalin e ri në Fier do të jetë një gur kilometrik për ndryshimin e menaxhimit të spitaleve tona. Do të sjellë më shumë rritje të cilësisë së shërbimeve për qytetarët, por edhe një model të ri për vlerësimin e personelit shëndetësor, përmes vlerësimit të performancës. Ndaj dua t’iu bëj thirrje të gjithëve ju, mjekë të diasporës, që të jepni kontributin tuaj personal në krijimin e këtij modeli të ri. Brenda dy javësh do të hapim thirrjen për rekrutimin e personelit mjekësor për këtë spital, i cili do të menaxhohet nga kolegë turk për një periudhë, deri sa të ngrihet modeli”, tha Manastirliu.