Flash News

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Shpërthen në flakë automjeti te Komuna e Parisit

Krimet Zgjedhore/ Agjentët e BKH dhe Policia kontrolle në Shkodër

Arrestohen në Dubai 3 bashkëpunëtorë të Talo Çelës

Ditari i Maxhorancës

SHBA i heq non gratën Berishës? Ramës ‘i dridhen leqet e këmbëve’: Mendoi se vërtet ia hoqën damkën…

Politiko 8 Maj 2025, 12:00

SHBA i heq non gratën Berishës? Ramës ‘i dridhen leqet e

Kryeministri Edi Rama mesa duket nuk ka nerva për tu marr me fushatën e tij dhe me kandidatët që i ka me “damkë” por nis dhe merret me kryedemokratin Sali Berisha dhe reagimet mbarëbotrore për të.

Duke qënë se i frikësohet “lulëzimit” të Berishës, dhe se “kalaja me mashtrime” e tij po shembet ai ka zgjedhur të bëjë ironi ndaj lajmeve që qarkulluan për një mundësi të rikthimit të lejimit të udhëtimit të kreut të Partisë Demokratike, Sali Berisha, në Shtetet e Bashkuara të Amerikës.

Përmes një postimi në rrjetet sociale, Rama e cilësoi lajmin si një “tallje” dhe një tjetër iluzion i krijuar nga, siç e quan ai, “Bufi dhe këneta”, duke lënë të kuptohet se bëhet fjalë për manipulim të mbështetësve të opozitës përmes propagandës dhe iluzioneve të pavërteta.

 “Thashë se ia hoqën vërtetë damkën të shpëtonte Shqipëria nga një turp i pashembullt, po aha, hiç, qenkej një tjetër nga ato talljet e Bufit me lukuninë e Kënetës, ku mbetet gjithnjë i palëkundur besimi se po e tha Bufi fluturon edhe gomari…

Trushpëlarje aq shembullore u ka bërë në tërë këto vite të shkretëve, sa që edhe kur Bufi i rrjedhur përçartet rrugëve, Këneta sheh ëndrra madhështore me rrugë qumështi dhe mëndafshi, ku oqeani bëhet kos dhe kapelja trampiste e Bufit shumëfishohet në miliona tenxhere floriri”, shkruan ai.

Gazetari amerikan Mark Caputo i referohet Departamentit Amerikan të Shtetit kur shpall në llogarinë e tij në X se Berishës, praktikisht i është hequr non grata, dhe ai mund të udhëtojë në Shtetet e Bashkuara.

Caputo shkruan: “E pyeta Departamentin e Shtetit për statusin e vizës së Berishës dhe më thanë se ai mund të vijë në SHBA.

Gazetari zbardh edhe përgjigjen e plotë të DASh:

“Ne japim shpesh përjashtime për të lehtësuar udhëtimet e personave të përcaktuar në SHBA në përputhje me detyrimet tona ndërkombëtare dhe interesat kombëtare. Nuk do të lejojmë që interesat tona të politikës së jashtme apo marrëdhënia me Shqipërinë të bllokohen nga vendime të politizuara të epokës Biden.”

Të fundit