Flash News

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Tri mënyra të mirëprovuara për të demontuar një autokrat

Trafikimi i qenieve njerëzore/ Zbulohen 4 laboratorë me pasaporta shqiptare të falsifikuara në Greqi

Ditari i Maxhorancës

Shkarkim i Ardi Veliut?! Rama i prerë: S'ka për të ndodhur! Edhe 500 mijë njerëz ta kërkojnë

Politiko 15 Dhjetor 2020, 13:29
Shkarkim i Ardi Veliut?! Rama i prerë: S'ka për të ndodhur!
Në foto: Kryeministri Rama

Kryeministri Rama ka ritheksuar edhe njëherë se dorëheqja e Veliut nuk ka për të ndodhur.

Gjatë një takimi me gazetarët, i ndalur tek revolta e ditëve të fundit për Klodian Rashën, Rama tha se: “Nuk vendoset në rrugë se kush ikën e kush vjen, por vendoset në bazë të çfarë është e drejtë”.

“Qeveria kupton cila është e drejta dhe bënë gjënë e drejtë. Demokracia nuk është një sistem i përsosur. Churchill ka thënë që është sistemi më i keq, po të mos i llogarisim sistemet e tjera. Asnjë qeveri nuk e ka gjithmonë të drejtën me veten në çdo gjë që bën apo projekton, prandaj e drejta e protestës është e pacenueshme, por kjo nuk do të thotë që protestuesit kanë gjithmonë të drejtë. Aty ndahen qeveritë demokratike me qeverinë që nuk janë demokratike. Aty ndahet qeveria jonë me atë që kishim më parë.

Si mund të vihet në diskutim tani që nga rruga, jo këta, po sikur të ishin 500 mijë veta, të kërkojnë tani të ikë dhe drejtori i policisë? Nuk vendoset në rrugë se kush ikën e kush vjen, por vendoset në bazë të çfarë është e drejtë”, tha Rama.

Po ashtu, kreu i qeverisë e cilësoi si të drejtë protestën në fillimet e saj, duke shtuar se edhe ai vetë do të bëhej pjesë po të mos ishte kryeministër, për shkak të mesazhit që ajo përcillte.

Sipas Ramës, ishte e drejtë largimi i ministrit të Brendshëm sepse djalin e vrau arma e shtetit.

“Ishte e drejtë që qeveria të kërkonte ndjesë, jo se kishte gisht në tragjedinë që ndodhi, por sepse djalin e vrau arma e shtetit. Ishte e drejtë që ministri i Brendshëm të këmbëngulte që duhet të largohej, jo se kishte përgjegjësi në ngjarje, por sepse ishte e drejtë që mesazhi i pjesëmarrjes në dhimbjen e asaj familje të mos ishte vetëm me fjalë.

Këto nuk janë bërë si rezultat i protestës, që të jemi shumë të qartë. Edhe unë po të mos isha kryeministër, do të kisha dalë në protestë, por jo në këto protesta, por në atë protestën e parë. Jo për t’iu hedhur në fyt policëve apo për të kapur kanatet e institucioneve e lëshuar gojën, por për të dëshmuar indinjatë qytetarisht”, tha Rama.

Të fundit