Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Shqipëria do të emetojë Eurobondin, miratohet vendimi për importin dhe eksportin në kuadër të “Open Balkan’

Politiko 13 Tetor 2021, 13:31

Shqipëria do të emetojë Eurobondin, miratohet vendimi për

Në njoftimin e vendimeve të marra sot nga Këshilli i Ministrave, ministrja e Ekonomisë dhe Financave Delina Ibrahimaj tha se Shqipëria po bëhet gati të dalë në Eurobond në fund të muajit tetor për të siguruar një huamarrje si mbështetje buxhetore.

Ibrahimaj u shpreh se është miratuar edhe vendimi për eksportet dhe importet si pjesë e nismës “Open Balkan”. Ministrja theksoi se ekonomia shqiptare është duke u përmirësuar dhe po shkon drejt stabilitetit. Ibrahimaj bëri me dije se pagat janë rritur dhe do të vijojnë të rriten gjatë mandatit të katërt.

“Siç u anoncua sot këshilli ministrave miratoi një projekt vendim të veçantë,ligjet me projektligjin e Eurobondit. Ky ligj është në mbështetje të detyrave të financës për garantimin e financimet për mbështetjen e buxhetit. Eurobondi nuk është një proces që fillon këtë vit për herë të parë, por është e 5 herë që Shqipëria del në tregjet ndërkombëtare për të marrë fonde në monedhë të huaj. Do të jemi gati për të dalë në treg në fund të muajit tetor ose fillim nëntori. Jemi duke ndjekur të gjitha procedurat dhe të jemi gati për të emetuar Eurobondin në momentin më të parë kur tregjet do të ndikojnë që normat e interesit janë të ulëta. Huamarrja do të merret për të financuar një pjesë të buxhetit, një pjesë për mbështetje të arsimit, infrastrukturë etj, do të mbetet edhe për vitin tjetër.
Kemi miratuar dy projektvendime të tjera. Njëra lidhet me nismën ‘Open Balkans’, iniciative mes Maqedonisë, Shqipërisë dhe Serbisë. Do të ndiqet nga një plan masash që do të garantojë lëvizje të lirë të mallrave, kjo vjen si suport i subjekteve që operojnë në Shqipëri dhe tregoëtojnë me këto vende. I treti lidhet dhënia me qira të një sipërfaqeje në Vlorë, është një projekt madhor që do të zhvillojë turizmin. Ne prej dy javësh kemi pasur diskutime të nivelit teknik kryesisht. Ndajmë një mendim që ekonomia shqiptare ka ardhur në përmirësim dhe ka treguar stabilitet. Dhe gjithashtu i ka potencialet për të përballuar krizën energjetike. Nuk ka pasur ende rritje të normës së interesit. Ka pasur disa rritje të çmimeve. Pagat janë rritur dhe do vazhdojnë të rriten sipas programit të paraqitur për katër vitet e ardhshme,” deklaroi Ibrahimaj.