Flash News

Aksident me vdekje në aksin Tiranë-Elbasan

‘Tulipanët’ mposhtin SHBA-në, Holanda kalon në çerekfinalen e Katarit

Bordi ndryshon sërish çmimet e karburanteve, ulet nafta

Shaqiri si Messi dhe Ronaldo, shkruan historinë në kampionatin botëror

Katar 2022, Zvicra e ‘shqiptarëve’ fundos Serbinë, fiton me rezultatin 3 me 2

Ditari i Maxhorancës

Shqiptarët me gomone drejt Britanisë, Çuçi e mohon: Nuk ikin nga Shqipëria, por nga vendet e Evropës

Politiko 6 Tetor 2022, 11:28

Shqiptarët me gomone drejt Britanisë, Çuçi e mohon: Nuk

Ministri i Brendshëm Bledi Çuçi ka mohuar dyndjet masive të shqiptarëve drejt Britanisë së Madhe, përmes rrugëve ilegale.

Nga foltorja e Kuvendit, Çuçi deklaroi se ata nuk janë shqiptarë që emigrojnë nga Shqipëria, por shqiptarë që kanë emigruar më herët në vendet e Evropës dhe tani shpërngulen nda andej drejt Britanisë së Madhe.

Teksa foli për marrëveshjen me Britaninë për azilkërkuesit, Çuçi tha se është problem i britanikëve, teksa pohoi që pjesa më e madhe e tyre janë shqiptarë.

“Për azilkërkuesit statistikat janë. Në 2015 kanë qenë 65 azilkërkues, në 2021 kemi vetëm 11 mijë. Shiko çfarë rënie nga viti 2015 dhe deri më sot. Kjo është çështje shumë dimensionale. Nuk është vetëm për ministrin e Brendshëm. Njerëzit duan të lëvizin dhe të gjejnë një jetë më të mirë.

Kjo është e natyrshme. Por numri është ulur. Për emigrantët e paligjshëm drejt Mbretërisë së Bashkuar nuk kemi pasur ndonjëherë marrëdhënie më të ngushtë mes agjencive ligjzbatuese të dy vendeve. Është problem i Britanisë së Madhe. E dimë që pjesa më e madhe janë shqiptarë.

Jemi partner te kjo gjë. Kemi çuar njerëz atje për t’u marrë me këto  çështje. E keqja që ka rritur numrin është legjislacioni që ata kanë për këtë gjë. Shqiptarët që kanë shkuar atje janë shqiptarë që kanë emigruar në vendet e Europës dhe ikin nga vendet e Europës drejt Britanisë së Madhe”, u shpreh ai.

Mediat britanike i kanë bërë shpesh jehonë emigrantëve të paligjshëm shqiptarë. Nëntë banda qëndronin pas 2,863 emigrantëve që erdhën nga 1 qershori deri më 12 korrik. Prej tyre, 1,075 ishin shqiptarë.

Shifrat e Home Office tregojnë se 11,561 emigrantë të paligjshëm që marrin një vendim për deportim, vijojnë të qëndrojnë ende në Britani.  Ky numër është rritur pothuajse trefish gjatë dhjetë viteve të fundit.

Të fundit