Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Si e fitoi mandatin e tretë? Rama nga Athina: Kemi luftuar që të identifikohemi si partia e ndryshimit

Politiko 14 Korrik 2021, 15:49

Si e fitoi mandatin e tretë? Rama nga Athina: Kemi luftuar që të

Kryeministri Edi Rama këtë të mërkurë ndodhet në Athinë ku ka marrë pjesë në edicionin e 23-të “Symi Symposium”, të organizuar nga ish-kryeministri grek George Papandreou, ku marrin pjesë dhe personalitetesh të njohura të politikës, ekonomisë e botës akademike ndërkombëtare

Papandreou i kërkoi Ramës të flasë se si ka arritur të marrë mandatin e tretë radhazi qeverisës, teksa kryeministri tha se Partia Socialiste ia doli pasi ka luftuar që të mos bëhet asnjëherë një parti që identifikohet me pushtetin por të mbetet në sytë e njerëzve partia që identifikohet me ndryshimin.

Arsyeja tjetër që tha Rama është se ka krijuar mendimin e përgjithshëm se puna është në progres dhe është në drejtimi e duhur.

“Është kënaqësi që kthehem këtu dhe pse nuk është e lehtë të kuptosh që jemi më të vjetër sërish jam mjaft i lumtur që pata mundësinë të vij dhe të ndaj me ju disa momente mjaft të këndshme.
Ne fituam mandati ne tretë dhe besoj se mbi të gjitha ia dolëm pasi gjatë gjithë kohës kemi luftuar që të mos bëhemi asnjëherë një parti që identifikohet me pushtetin por të mbetemi në sytë e njerëzve partia që identifikohet me ndryshimin dhe për ta bërë këtë kemi luftuar gjatë gjithë kohës për të ndryshuar e ndryshuar partinë tonë. Jemi përpjekur të sjellim njerëz nga fusha të ndryshme të jetës dhe të kemi një sinergji në sytë e publikut midis çfarë dhe kujt identifikohet partia dhe atyre që shihen si përfaqësues të drejtpërdrejt të njerëzve. Kjo mendoj ka qenë e para.

Tjetra ka të bëjë me atë çka kemi bërë. Me sa duket për njerëzit është më në fund e qartë se kjo është rruga drejt progresit dhe se puna duhet përfunduar. Shumë gjëra janë më mirë nga ç’ishin po ka shumë gjëra që duhet të jenë më mirë. Jemi përpjekur të jemi përherë mjaft të sinqertë me njerëzit duke iu thënë se nëse e krahasojmë atë çka kemi bërë me atë që duhet të bëjmë jemi ende larg të themi po ia dolëm. Sigurisht ajo që kemi bërë mjafton jo për të qenë t’u kënaqur por për të qenë të sigurt se kjo është rruga. Mendoj se rezultatet janë të dukshme për të krijuar mendimin e përgjithshëm se puna është në progres dhe është në drejtimi e duhur. Kemi pasur një perceptim mjaft të qëndrueshëm për këtë drejtim të duhur që ka qenë njëfarësoj gjithmonë rruga për ne.

Në fakt ka qenë një fushatë mjaft e çuditshme dhe përgjithësisht një luftë e çuditshme dhe për shkak të COVID dhe për shkak se po kërkonim një mandat të tretë që nuk është e lehtë, por ia dolëm por tashmë jam mjaft optimist sepse kemi mjaft punë të rëndësishme për mjedisin, energjinë, infrastrukturën dhe po kështu shumë themele të mira për kulturën tonë dhe teknologjinë e informacionit ia kemi dalë të kryejmë një ndryshim të shpejt për qeverisjen elektronike” tha Rama.