Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Si guxojnë nr. 5 dhe 6 të kërkojnë vota në Gërdec?', Spiropali: Basha ja u nguli thikën më thellë banorëve të Vorës

Politiko 16 Mars 2021, 11:20

"Si guxojnë nr. 5 dhe 6 të kërkojnë vota në

Drejtuesja politike e PS-së për Qarkun e Tiranës, Elisa Spiropali ka reaguar me tone të ashpra nga salla e Kuvendit lidhur me vizitën ditët së  djeshme të kreut të PD-së Lulzim Basha në Kamëz dhe Vorë.

Spiropali tha se Basha shkoi të kërkonte vota, ndërkohë që sipas saj ai duhet të shkonte atje për të kërkuar falje. Sipas Spiropalit, Basha zgjodhi  ditën e 13-vjetorit të tragjedisë së Gërdecit për të vizituar Vorën, për t’ua ngulur edhe më thellë thikën banorëve të atij komuniteti.

“Si kanë guxim numri 5 dhe 6 dhe këta kërkojë vota në Gërdec?” u shpreh ministrja Spiropali, duke iu referuar ish-ministrit Sali Berisha dhe ish-ministrit të Mbrojtjes Fatmir Mediut.

 “Lulzim Basha në një ‘Covid party’ vizitoi Vorën dhe Kamzën. Nuk kërkoi falje, por vota. Duhet të kishte kërkuar falje. Dje ishte 13 vjet pas tragjedisë së Gërdecit. Zgjodhi këtë ditë për tua ngulur thikën më thellë për të prezantuar kandidatë. Numri 5 përgjegjësi kryesor i tragjedisë, numri 6 Fatmir Mediu, ministri që firmosi pa asnjë teklif për llogari të djalit. Dje u prezantuan aty. Nuk kanë mbajtur përgjegjësi. U dënuan për aksident teknologjik disa prej tyre, por ata që firmën nuk u përballën me drejtësinë. Si kanë guxim numri 5 dhe 6 dhe këta kërkojë vota në Gërdec. Si u kthye në vendin e krimit? Tani mjafton të kthejnë edhe djalin, ta bëjnë shef kabineti dhe është e kompletuar lista e Tiranës. Më pas u kthye në Kamzë, kërkoi vota dhe jo falje. Në krah me Flamur Nokën , duhet ti kërkojnë ndjesë atij komuniteti që Xhelal Mziu e la në kushte mesjetare. Pa çerdhe, pa shkolla,i la njerëzit të ndërtojnë shtëpitë e tyre me përpjekje mbinjerëzore, pa politika strehimi dhe sociale. Luftonin për vete. I trajtoi si plaçkë ata njerëz. Shkoi aty në Covid party me burra, duhet të ishte i përulur përballë atij komiteti dhe të thoshte: na falni o njerëz. Nuk kërkoi falje Basha, kërkoi votën për Flamur Nokës, se Xhelalin e ka çuar në Dibër. Nuk kanë asnjë grua në takime, janë të njëjtët fytyra, të njëjtët surretër. Ndryshime me ne është shumë i madh. Vetëm këtë vit në Kamëz kemi çuar 60 milion euro investime”, tha Spiropali në Kuvend.

Të fundit