Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Sigurimi i vaksinave, Manastirliu: Tregu është i vështirë, ka luftë bërrylash

Politiko 23 Mars 2021, 10:45

Sigurimi i vaksinave, Manastirliu: Tregu është i vështirë,

Ministrja e Shëndetësisë, Ogerta Manastirliu

Sot në Kuvend pritet të miratohet akti normativ, që lejon sigurimin e vaksinave nga çdo prodhues, Duke folur për këtë çështje ministrja e Shëndetësisë, Ogerta Manastriliu tha se në Shqipëri do të mbërrijnë doza të ndryshme vaksinash, ndërsa cilësoi të rëndësishme aksesin e shpejtë për marrjen e tyre.

Ajo tha se në momentin që do të nisë vaksinimi masiv, synohet administrimi i 15 mijë personave në një ditë. Sipas saj, deri më tani janë vaksinuar 30% e mësuesëve, ndërsa tha se bluzat e bardha po marrin dozën e dytë.

“30% e mësuesve janë vaksinuar me vaksinat e AstraZeneca, rritur në sajë të marrëveshjes së qeverisë shqiptare me instrumentin e COVAX-it. Vaksinimi për grupin e rriskuar vijon, me personat mbi 80 vjeç dhe administruar dozat e dyta për personelin mjekësor. Në Shqipëri do të mbërrijnë doza të ndryshme vaksinash, ku kemi për të marrë doza nga Pfizer, nga AstraZeneca dhe dje ka mbërritur vaksina ruse.

Edhe me mbërritjen e dozave të tjera, ku presim dozat e Pfizer, gjithashtu akti normativ që miratojmë sot i hap rrugë negociatave me kompani prodhuese që kanë ato çertifikime të duhura që të kemi disponim të lartë të vaksinave. Dua të them që miratimi i këtij akti është një ndër hapat konkret dhe shumë pozitiv që ndodh, sepse tashmë që kemi mjaftueshëm të dhëna dhe publikime shkencore sa i përket vaksinave që qarkullojnë në votë, është e nevojshme të dizerfikojmë portofolin e vaksinave që të jemi akses të shpejtë tek vaksinat dhe të vijojmë vaksinimin e popullatës.

Shqipëria përmes një plani të mirëstrukturuar objektivi është të shtrihet vaksinimi, por e rëndësishme është që po punojmë që edhe kapacitetet tona t’i kemi kur të jetë i mundur vaksinimi masiv, objektivi është të administrojmë 15 mijë persona në ditë", tha Manastirliu.

Kjo e fundit u shpreh se tregu i vaksinave është i vështirë dhe ka luftë bërrylash. Sipas saj, sigurimi i dozave nuk është i lehtë, duke e cilësuar aktin që pritet të miratohet një mekanizëm që do të hyjë në punë për të përshpejtuar procesin.

"Tregu i vaksinave është një treg i vështirë, ka luftë bërrylash dhe sigurisht sigurimi i vaksinave dhe për efekt të prodhimit të ulët është një përpjekje e vërtetë për vendet e botës, ndaj qeveria shqiptare është angazhuar për të pasur vaksina në kohë të shpejtë.

Vetëm disa vende të mëdha kanë siguruar 70% të tregut të vaksinave në 2021, ka shumë vështirësi, pasi aksesi në vaksinë për arsye të volumit tyre vaksinave bëhet e vështirë, por jemi duke vende që të na vijnë sa më shpejt vaksina, në një kohë kur vështirësi hasen në të gjithë botën”, tha Manastirliu.