Flash News

Aksident në Maliq, "Benzi” përplas furgonin, përfundon në kanal

Ekzekutoi 41-vjeçarin, kush është autori i vrasjes në Fier

Sherr mes adoleshentëve në Tiranë, plagoset 15-vjeçari

Albana Vokshi dorëzon “librin e zi” të zgjedhjeve në Bruksel dhe në parlamentin flamand

U vra brenda “Porsche-t”, shkak dyshohet të jetë prishja e një krushqie

Ditari i Maxhorancës

SPAK i cakton zyrtarisht masë sigurie, postet e rëndësishme që i dha Rama- Beqajt edhe pse në qendër të akuzave

Politiko 18 Nëntor 2023, 13:23

SPAK i cakton zyrtarisht masë sigurie, postet e rëndësishme

Ish ministri i Shëndetësisë Ilir Beqaj do të hetohet nën masën e sigurisë detyrim me paraqitje dhe ndalim të udhëtimit jashtë në lidhje në lidhje me aferën e 'koncesionit të sterilizimit".

Vendimi për caktimin e masës së sigurimit personal është firmosur më 16 nëntor nga GJKKO ndërsa është ekzekutuar nga Byroja Kombëtare e Hetimit dhe Drejtoria e Përgjithshme e Policisë së Shtetit një ditë më parë.

 E ndërsa skena e politikës shfaqi tragjiko-komedinë e akuzave korruptive për tenderat e ndryshëm në shëndetësi ku emri i tij ishte dhe është në qendër të akuzave, Ilir Beqaj ndryshe nga sa pritej është emëruar së fundmi në kupolën drejtuese të përbërjes së grupit negociator për negociatat e aderimit të Shqipërisë në Bashkimin Evropian.

Romina Kuko, zëvendësministre e Brendshme, nuk do të jetë më pjesë e përbërjes së grupit negociator. Ajo do të zëvendësohet në këtë funksion nga Ilir Beqaj. Ky i fundit është edhe Drejtor i Përgjithshëm i Agjencisë Shtetërore të Programimit Strategjik dhe Koordinimit të Ndihmës.

Beqaj akuzohet për veprat penale  të “Shpërdorimi i detyrës” në bashkëpunim dhe “Shkelja e barazisë së pjesëmarrëve në tendera apo ankande publike” kryer në bashkëpunim dhe “Korrupsioni pasiv i funksionarëve të lartë shtetëror ose i të zgjedhurve vendorë” në lidhje me procedurën e dhënies së koncesionit të sterilizimit në periudhën kur ishte ministër i Shëndetësisë.

Nga GJKKO janë vënë në pranga ish-zëvendësministri i Shëndetësisë Klodian Rrjepaj dhe biznesmeni Ilir Rrapaj në lidhje me koncesionin me vlerë 100 mln Euro të sterilizimit të mjeteve kirurgjikale për të cilin hetimet kanë nisur që para 3 vitesh. 

Të fundit