Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Maxhorancës

"SPAK ka dalë nga shinat!"/ Rama i nxjerr inatin mediave: Titull i pavërtetë, botë çmendurake

Politiko 11 Shkurt 2025, 16:10

Kryeministri Edi Rama, i njohur për sulmet e tij ndaj mediave kur nuk i pëlqen lajmi, ka shpërthyer sërish, këtë herë kundër BIRN, duke e akuzuar për manipulim dhe nxjerrje nga konteksti të deklaratës së zyrës së tij të shtypit. Në një reagim të gjatë, ai përpiqet të justifikojë qëndrimin e tij të dyfishtë ndaj drejtësisë, ndërsa akuzon SPAK-un për shkelje të standardeve demokratike.

Në përpjekje për të shpëtuar Veliajn nga skandali, Rama shpik një teori konspirative, duke pretenduar se nuk ka një çështje korrupsioni, por thjesht një "roman voluminoz" mbi hetimet e kryera ndaj tij dhe bashkëshortes së tij.

Pasi ka heshtur për arrestimin e ish-ministrave Lefter Koka dhe Ilir Beqja, tani kreu i qeverisë befas kujtohet të sulmojë drejtësinë, sepse më në fund ajo i ka trokitur në derë bashkëpunëtorëve të tij më të afërt. Me një ton dramatik, ai qan hallin e një nënë dhe një fëmije, por harron qindra familje të shkatërruara nga aferat korruptive që qeveria e tij ka mbështetur ndër vite.

Në fund, Rama bën thirrje për më shumë "transparencë", një fjalë që e përdor vetëm kur drejtësia guxon të hetojë njerëzit e tij. Ky është kryeministri që dikur promovonte Reformën në Drejtësi si arritjen më të madhe të qeverisjes së tij, por që tani, kur drejtësia po i afrohet rrethit të tij të ngushtë, e cilëson atë si të kapur dhe të padrejtë.

Në këtë “botë çmendurake” të Ramës, drejtësia është e mirë vetëm kur nuk prek njerëzit e tij!

REAGIMI:

Kjo frëngji është e një grupi që quhet Birn, i cili pretendon se lufton për të vërtetën dhe ndërkohë nxjerr nga konteksti brutalisht përgjigjen e zyrës së shtypit të kryeministrisë! Dhe tani ky titull i pavërtetë bëhet avaz kudo, e pastaj do thuhet se ai ka thënë që … Kjo më lart është bota çmendurake ku jetojmë. Ndërsa kjo më poshtë është deklarata e zyrës së shtypit në përgjigje të pyetjes së Birn se a do të shkarkohet Erjon Veliaj: Mesa duket nuk e keni ndjekur adresimin qe kryeministri i beri arrestimit te kryetarit te bashkise se Tiranes, ku jemi ne kushte teresisht te ndryshme nga te gjitha rastet e meparshme. E para, sepse nuk kemi nje çeshtje konkrete korrupsioni per te cilen ka nje aktakuze, po jemi perpara nje romani voluminoz mbi germimet e kryera ne jeten e tij dhe bashkeshortes se tij.

Pra, ne thelb jemi perballe nje rasti qe krijon dyshimin e arsyeshem te nje hetimi jashte shinave kushtetuese dhe nje ndalimi ne shkelje te standarteve demokratike. Por eshte ende shume heret per te dale ne perfundime, prandaj rezervojme te drejten per te marre kohe.

E dyta, qendrimi pesevjecar i Partise Socialiste dhe kryeministrit per te mos bere asnje koment ne asnje rast specifik, ka ndryshuar me heqjen e djeshme nga puna te kryetarit te bashkise se kryeqytetit, per ta mbyllur pa gjyq ne nje qeli dhe duke kycur ne shtepi edhe bashkeshorten, nene e nje djali gjashtevjecar. Ky fakt tejet problematik per gjithe kryeqytetin, jo thjesht per kryebashkiakun si pale ne proces po edhe per ne si garante te Reformes ne Drejtesi dhe njekohesisht te kontratave me qytetaret ne nivel qendror e vendor, aq me teper per metropolin e Shqiperise, kerkon nje reflektim shume serioz.

Dhe e fundit, ne do t’ju ishim shume mirenjohes juve dhe cilesdo media qe ne vend se te beje thjesht leximin e romanit policor te akt-akuzes, te hedhe drite per provat qe e mbeshtesin ose jo fillin e atyre afro 400 faqeve. Si perfundim, pergjigja eshte qe jo vetem kryetari i Bashkise se Tiranes nuk do te shkarkohet nga detyra, po nga ndalimi i tij ka lindur per ne detyra qe te vazhdojme te jemi garante te palekundur te drejtesise, duke nxitur sa me shume transparence per te dale tek e verteta. Ciladoqofte ajo.