Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Strehimi i afganëve në Shqipëri, Xhaçka: Nuk kemi marrë asnjë lek, asnjë fond mbështës!

Politiko 9 Shtator 2021, 20:35

Strehimi i afganëve në Shqipëri, Xhaçka: Nuk kemi

Ministrja e Mbrojtjes Olta Xhaçka deklaroi se Shqipëria nuk ka marrë asnjë lek për strehimin e afganëve, madje as edhe fonde për të mbështetur strehimin e afganëve.

E ftuar në Klan News, Xhaçka theksoi se shpenzimet e tjera për qëndrimin dhe ushqimin mbulohen nga organizatat me të cilat është duke bashkëpunuar aktualisht qeveria shqiptare.

"Shqipëria nuk ka marrë asnjë lekë, nuk ka marrë asnjë fond për të mbështetur strehimin dhe qëndrimin e qytetarëve afganë në Shqipëri. Jemi duke bashkëpunuar me organizata ndërkombëtare dhe amerikane, patjetër duke koordinuar me shtetin shqiptar dhe institucionet e linjës që bëjnë të mundur ofrimin e sigurisë, shëndetit bazë, arsimit. Ndërkohë, çdo shpenzim tjetër për qëndrimin, strehimin, ushqimin dhe gjithë nevojat e tjera të qytetarëve afganë në Shqipëri mbulohen nga organizatat që jemi duke bashkëpunuar”, është shprehur Xhaçka.

Vendi ynë pritej të strehojë afro 4 mijë shtetas afganë, por ministrja Xhaçka pohoi se evakuuimi i tyre po bëhet disi i vështirë.

"Presim rreth 1300 të tjerë, për të cilët jemi duke koordinuar me organizatat dhe me partnerët për t’i sjellë ose nga Afganistani ose nga vendet e tjera ku kanë shkuar dhe për shkak të gjendjes kaotike në Kabul u ndanë dhe familjet dhe grupet që duhet të udhëtonin bashkë. Sigurisht angazhimi ynë ka qenë për 4 mijë, një numër që duket i vështirë sot për t’u realizuar për sa kohë që e gjithë kjo situatë është ende dinamike dhe përpjekjet kanë qenë të mëdha dhe gjithashtu vështirësitë”, është shprehur Xhaçka.

Lidhur me dyshimet nëse mes refugjatëve afganë ka edhe talebanë të fshehur, Xhaçka thekson se Shqipëria ka marrë njerëz nga elita intelektuale dhe profesiionistë.

"Në aeroportin e Kabulit ka pasur një pre screen për të gjithë ata qytetarë afganë që kanë hipur në avionë e janë transportuar në vende të tjera. Shqipëria ka marrë një lloj elite intelektuale, profesioniste të Afganistanit. Bëhet fjalë për pedagogë, artisë, gazetarë, inxhinierë për njerëz që kanë bashkëpunuar ngushtësisht me organizatat ndërkombëtare dhe amerikane. Është një lloj elite që po ta vëmë në fjalët tuaja infiltrimi do ishte shumë i vështirë. Patjetër ata vijnë së bashku me familjet e tyre, janë gjithë kohës të asistuar edhe nga përfaqësues të organizatave ku kanë qenë të punësuar. Dimë saktësisht kush është gjithsecili prej tyre. Nuk janë ai kompozicion i refugjatit dhe emigrantit tipik që është më së shumti ekonomik", ka thënë Xhaçka.