Studentët e mjekësisë i kërkuan dorëheqjen, shkarkohet nga detyra zv.ministrja e Arsimit

Është shkarkuar nga detyra zv.ministrja e Arsimit dhe Sportit Albana Tole.

Vendimi u mor në mbledhjen e sotme të Këshillit të Ministrave.

Kujtojmë se më herët, studentët e mjekësisë i kërkuan dorëheqjen zv.ministres Tole në protestat e tyre, pasi në një emision televiziv deklaroi se studentët te cilët nuk bien dakord me kushtet e kontratës të ndërpresin studimet, t’i lenë përgjysmë ato.

Vendim :

Në mbështetje të nenit 100 të Kushtetutës dhe të pikës 2, të nenit 6, të   ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Albana Tole, zëvendësministër i Arsimit dhe Sportit, lirohet nga kjo detyrë.

Ky vendim hyn në fuqi menjëherë.

K R Y E M I N I S T R I

EDI RAMA