Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Tensionet në veri, Rama: E drejta është me Kosovën dhe pikë! Po shohim manovra teatrale-ushtarake të Serbisë

Politiko 27 Shtator 2021, 10:50

Tensionet në veri, Rama: E drejta është me Kosovën dhe

Kryeministri Edi Rama ka dalë në mbështetje të Kosovës lidhur me situatën e krijuar në kufi me Serbinë. Kujtojmë që prej një jave, që nga momenti që nisi aplikimi i reciprocitetit të targave nga ana e Kosovës, serbët po provokojnë trazira në kufi.

Rama tha se Shqipëria do të punojë për njohjen e shtetit të Kosovës, duke theksuar se kjo duhet të ndodhë si fillim nga Serbia. Ai nënvizoi se është koha për dialog dhe jo për uniforma ushtarake.

Rama tha se bashkëpunimi duhet të kalojë në një nivel tjetër bashkëpunimi. Kryeministri i konsideroi manovra teatrale-ushtarake, sjelljen e Serbisë në kufi.

Sipas tij, serbët që jetojnë në Kosovë janë të sigurt dhe ju janë ofruar kushte shumë të mira.

"Shqipëria si anëtarë jo e përhershme e Këshillit të Sigurimit do të ketë prioritet njohjen e Kosovës, si mbyllje e natyrshme edhe formalisht e shpërbërjes së ish-Jugosllavisë. Serbia duhet ta njohë këtë realitet të pakthyeshëm.

Sot jemi dëshmitarë të manovrave teatrale-ushtarake të Serbisë në kufirin me Kosovën. Ato në fakt nuk mbrojnë serbët në kufi, siç pretendojnë vetë qeveria e Kosovës dhe disa gjeneralë të ushtrisë së humbur të Serbisë në luftën me Kosovën. Qytetarët serbë në Kosovë jetojnë shumë të sigurt.

I paguhen edhe faturat e energjisë elektrike si askund në botë. Institucionet atje janë pikërisht për t'i shërbyer atyre qytetarëve serbë, të cilët janë pengje të stanjacionit në dialogun mes Kosovës dhe Serbisë.

Dua ta them qëndrimin e qeverisë së Shqipërisë, qysh nga çasti i parë që u shfaq ky konflikt, e drejta është më Kosovën dhe pikë, Kosova nuk ka pse ti kthejë targat në një konflikt të përditshëm. Kosova thjesht po kërkon zbatimin e një marrëveshje të dakordësuar", tha Rama.

 

 

Të fundit