Flash News

Temperaturat deri në 40 gradë! Parashikimi i motit për ditën e sotme

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Ditari i Maxhorancës

Transparenca mungon, por qeveria nuk tërhiqet nga Bordet, ministrja: Do t’i mbajmë, frenojnë abuzimet

Politiko 19 Gusht 2022, 09:49

Transparenca mungon, por qeveria nuk tërhiqet nga Bordet, ministrja: Do

Teksa çmimi i naftës në bursat ndërkombëtare ka pësuar një rënie të ndjeshme, në Shqipëri po ndodh e kundërta. Pavarësisht rënies në bursa, çmimi i naftës në vend vijon të ecë në tren rritës.

Bordi i Transparencës në mbledhjen e fundit vendosi rritjen e çmimit të naftës me 6 lekë duke e çuar në 227 lekë/litri, nga 221 lekë/litri që ishte.

Edhe pse mjaft i kritikuar nga opozita dhe opinioni publik, qeveria nuk tërhiqet nga Bordi i Transparencës.

Ministrja e Ekonomisë dhe Financave, Delina Ibrahimaj, tha në një intervistë për TV Klan se Bordet do të vijojnë me përcaktimin e çmimeve, në një periudhë që sipas saj është e pasigurtë për çmimet.

Ibrahimaj tha se shkrirja e bordeve mund të sillte abuzime të mëdha.

“Për sa kohë që jemi në kushte të një pasigurie për ecurinë e çmimeve, të energjisë në përgjithësi dhe të karburanteve në veçanti, ne do të vijojmë të mbajmë bordet. Këtu nuk bëhet fjalë vetëm për marzhet e fitimit në situata normale. Por në situata spekulimi, në situata ku pritshmëritë dhe pasiguritë janë të larta, këto marzhe mund të rriten akoma më shumë”, u shpreh ministrja.

E pyetur se pse çmimet e naftës në bursa nuk reflektohen menjëherë në tregun vendas, Ibrahimaj tha se Bordi merr si pikë reference çmimet e naftës së përpunuar dhe jo çmim të naftës bruto në bursë, duke akuzuar opozitën për sulme ndaj qeverisë.

“Mundohemi që sa herë që çmimi i bursës të ulet, të mblidhemi në mënyrë të menjëhershme, ndërkohë që e shtyjmë mbledhjen kur çmimet rriten me qëllim që çmimet në treg të jenë sa më të ulëta. Opozita në periudha krize kërkon të destabilizojë akoma më shumë. Në mënyrë të vazhdueshme i referohet çmimeve të naftës bruto, ndërkohë që luhatja e bursës së standardit që ne tregtojmë, nuk është e njëjtë me luhatjen e bursës së çmimeve të naftës bruto”, tha Ibrahimaj.

Të fundit