‘Trekëndëshi i Bermudes’/ Basha goditi Berishën dhe Metën? Rama: U distancua edhe nga unë, por jam gati për bashkëpunim

Kryeministri Edi Rama tha se deklarata e kreut të PD, Lulzim Basha për ‘Trekëndëshin e Bermudës’ ishte goditje jo vetëm për ish kryeministrin Sali Berisha dhe presidentin Ilir Meta, por ishte përfshiu edhe atë vetë.

Megjithatë, në një intervistë për Report Tv, Rama tha se sërish është i gatshëm për bashkëpunim me Bashën pa asnjë kusht.

Pjesë nga intervista:

'Trekëndëshin e Bermudës' një shenjë që Basha u distancua nga Meta dhe Berisha...

-Unë e kam thënë që në fillim të këtij sezoni politik, të mandatit të tretë që jemi të gatshëm që të bashkëpunojmë me opozitën, te të gjitha çështjet pa asnjë paragjykim, jemi gati të bashkëpunojmë.

Është sot Basha një lider me karakter, ju e keni quajtur më parë pa karakter....

-Karakteri nuk është sëmundje ngjitëse, çështja karakterit është e lidhur me shumë gjëra dhe nuk caktohet nga një veprim apo nga një tjetër.

Basha plotësoi kushtet që u distancua nga Berisha dhe Meta, mos bëheni dhe ju si BE-ja...

-Ju harroni që Basha u distancua edhe nga unë.

Të gjithë e dinë që goditja më e madhe ishte për Berishën dhe Metën?

-Jo unë nuk e di këtë, unë di atë që tha ai...

Nuk besoj se e merrni seriozisht...

-Unë nuk marr asgjë seriozisht nga ato që thotë Lulzim Basha, përtej emrit, për cfarë mendoj unë për karakterin e lidershipit të tij, opozita në parlament është PD dhe kryetar i saj është Lulzim Basha dhe liderin e opozitës që ke përballë e zgjedhin të tjerët, detyra imë është që të mbajmë të shtrirë dorën e bashkëpunimit, përtej asaj që mendojmë për njëri tjetrin.

Mund të na e sqaroni njëherë e mirë termin e bashkëqeverisjes, çfarë është ajo që keni dashur të thoni? Ju i keni votat nuk keni asnjë votë për deputetët e Lulzim Bashës...

Unë jam i gatshëm që të diskutoj pa asnjë kufizim, por nuk i kam vënë një herë. Shumica dhe pakica kanë hapësira shumë të mëdha bashkëpunimi kur kanë në funksion interesat e vendit.