Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

U tërhoq nga kandidimi për deputet/ Alket Hyseni mesazh Ramës: Lëvizje strategjike, s'do i thoja "jo" postit të ministrit

Politiko 22 Korrik 2021, 13:45

U tërhoq nga kandidimi për deputet/ Alket Hyseni mesazh Ramës:

Alket Hyseni renditej i 11 në listën e PS-së në Qarkun e Vlorës për zgjedhjet e 25 Prillit, por vendosi ta lërë garën në mes duke u tërhequr nga kandidimi për deputet.

Gjithsesi, Hyseni nuk e ka ndalur rrugëtimin politik, pasi shpreh gatishmërinë për të vijuar kontributin në Partinë Socialiste. Në mungesë të Parlamentit, ambicia e tij është kabineti “Rama 3”, pasi deklaron se nuk do t'i thonte "JO", nëse kryeministri i ofron drejtimin e ndonjë ministrie.

“Jam shumë i ri për ta mbyllur angazhimin tim në politikë dhe nga ana tjetër nuk e shoh veten time pashmangshmërisht me të qenit aktiv në politikë. Nëse do të më kërkohet çdo angazhim do t’i përgjigjem për të vijuar kontributin tim në shoqërinë shqiptare, po pse jo dhe në qeverisjen e vendit në vijim, patjetër në strukturat e Partisë Socialiste” tha Alket Hyseni për A2.

Alket Hyseni mohon pakënaqësinë për renditjen në listën e kandidatëve të Vlorës nga kryeministri Rama, ndërsa largimin e tij në momentin e fundit e konsideron një lëvizje strategjike në funksion të fitores.

“Kryeministri i vendit renditi veten në limitin e pritshëm të mandateve dhe unë e gjykova se të qenit në listë nuk do të sillte produktin e duhur, aq sa do ta sillte, duke mos qenë në këtë listë fare e duke punuar fort për mandatin personal të kryeministrit, për mandatin e tretë të qeverisjes së PS-së dhe kryeministrit Edi Rama. Por, mendoj se ka shumë e shumë mënyra për të vijuar kontributin tim për Sarandën, por edhe për të gjithë qarkun e Vlorës” shprehet Alket Hyseni.

Misioni i fundit që ndërmori si parlamentar ishte hetimi për të shkarkuar presidentin Meta, e këtë vendim, Hyseni shpreson ta shohë të finalizuar dhe në Gjykata Kushtetuese.

“Nuk kemi pasur asnjë kënaqësi që të gjendeshim në këtë pozitë dhe këtë e them jo politikisht, por e them në pikëpamjen e funksionimin e një shteti, që për askënd nuk është kënaqësi të procedojë presidentin e Republikës. Raporti i është përcjellë Gjykatës Kushtetuese dhe kam besimin e shpresoj që ajo, në lartësinë e strukturave të saja funksionale, do të dalë në një vendim që të gjithë shqiptarët e presin me padurim” tha Alket Hyseni.

Të fundit