Vaksinohet Skënder Brataj dhe stafi i Urgjencës, Manastirliu: Po punojmë intesivisht

Drejtori i Urgjencës, Skënder Brataj

Sot ka marrë dozën e parë të vaksinës anti-Covid, kreu i Urgjencës Kombëtare, Skënder Brataj. Gjithashtu është vaksinuar i gjithë stafi i Urgjencës Kombëtare.

“Vaksina të siguron mbrojtje, do presim edhe 21 ditët që të bëjmë dozën e dytë. Por midis këtyre dy vaksinave duhet të vijojmë të ruhemi”, tha Brataj.

E pranishme në mjediset e stadiumit "Air Albania" ishte edhe ministrja e Shëndetësisë, Ogerta Manastirliu, e cila tha se po vijon vaksinimi, duke bërë me dije se vetëm sot në Tiranë janë planifikuar 500 vaksinime.

“Po vijojmë intesivisht me të gjithë ekipet tona. Po përfundon QSUT, Urgjenca Kombëtare, spitali Dibrës, Krujës, sot vetëm tek Arena Kombëtare vaksinohen më shumë se 500 punonjës të shëndetësisë, ndërkohë që vijon vaksinimi edhe për të moshuarit në shtëpitë e të moshuarve. Jemi në një moment pune intesive”, tha Manastirliu. 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm