Vendimi për shkollat/ Kushi: Kemi përgatitur tre skenarë, aktualisht jemi ende tek i pari

Ministrja e Arsimit, Evis Kushi në një konferencë të përbashkët me kryeministrin Edi Rama ka dhënë detaje në lidhje me vijimin e procesit mësimor në këtë periudhë pandemie.

Kushi tha se janë hartuar skenarët e mundshëm për përballimin e situatës dhe se protokoli i Ministrisë së Shëndetësisë nëpër shkolla zbatohet me pëpikmëri.

Ndër të tjera ajo ka theksuar se ka dalë vetë në terren për të parë realitetin.

“Vendimi për të hapur shkollat ishte jo i lehtë, jemi konsultuar edhe me eksperiencat më të mira evropiane, zhvilluam takime me ekspertë ndërkombëtarë, u zhvillua një sondazh me 120 mësues e nxënës, dhe 86%  ishin pro hapjes. U bë një analizë e shkollave tona dhe u hartuan skenarët , kemi tre skenarë gati, i pari eshtë mësimi në banka,i dyti mësimi i përzier dhe i treti është mësimi në distancë, ne aktualisht jemi në skenarin e parë. Kemi hartuar një udhëzues për masat dhe protokolli i Ministrisë së Shëndetësisë zbatohet ne shkollat tona. Kemi një rrjet shumë të mirë koordinimi, ne cdo ditë e dimë sa mësues dhe nxënës janë infektuar. Unë që nga dita e parë kam qenë në terren, kam bërë vizita të paparalajmëruara për të parë realietin, dhe rezulton që ndërgjegjesimi i nxënësve dhe i mësuesve është maksimal”, tha Kushi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm