Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Viti i ri akademik, Kushi: Kemi gati të gjithë skenarët, në dispozicion 500 mësues shtesë

Politiko 13 Tetor 2021, 10:54

Viti i ri akademik, Kushi: Kemi gati të gjithë skenarët, në

Ministrja e Arsimit Evis Kushi ka prezantuar masat e marra për nisjen e vitit të ri akademik në Komisionin e Edukimit dhe Mjetet e Informimit Publik.

Kushi theksoi se janë vënë në dispozicion disa skenarë për zhvillimin e orëve mësimore për t’i paraprirë çdo situate të shkaktuar nga pandemia. Ndryshe nga viti i kaluar ku u garantuan 1 mijë kuota për të zëvendësuar mësuesit dhe pedagogët e infektuar me Covid-19, Kushi theksoi se këtë janë vetëm 500 kuota në dispozicion.

“Ne jemi të përgatitur, i kemi të gjitha skenarët gati, megjithatë nuk besojmë të shkojmë në atë gjendje sërish. Vazhdon procesi i trajnimit për aftësitë digjitale për mësuesit tanë. Sot mësuesit janë shumë më të aftë të përdorin programe të avancuara. Vjet kishim 1 mijë kuota për të zëvendësuar mësuesit me COVID, karantinë. Ne për ti paraprirë çdolloj skenari jemi duke hartuar një tjetër vendim që këtë vit të kemi 500 kuota shtesë në dispozicion. Nëse do kemi një përkeqësim të situatës procesi arsimor të vijojë pa probleme”, tha Kushi.

Ministrja e Arsimit tha se për herë të parë sistemit arsimor i janë shtuar edhe shkollat komunitare ku nga 270, sot janë në total 470 shkolla. Ajo shtoi se po vijon edhe trajnimi i mësuesve të cilët japin mësimin e gjuhës angleze në klasat e para.

“Për herë të parë këtë vit kemi përfshirë mësimin e gjuhës angleze që në klasë të parë. Gjuha angleze është e rëndësishme për tu përfshirë në treg pune. Kemi punuar gjatë për kurrikulat. Sot po vazhdon trajnimi i mësuesëve që po japin mësim në klasë të parë. Shkolla qendër komunitare, nga 270 sot kemi 470 shkolla qendër komunitare, kemi shtuar numrin, sidomos në shkollat e reja. Këto po kthehen në qendra sociale kulturore. 280 mijë nxënës në të gjithë vendin me tekste falas. Kemi 4672 nxënës me aftësi ndryshe. Për herë të parë kemi futur arsimin special dhe mësues për tu shërbyer vetëm nxënësve me aftësi speciale. Vëmendja ndaj tyre nxënësve dhe këtë vit do jetë më e madhe. Shërbimi psikosocial në shkolla, e kemi dyfishuar nurmin e punonjësve psikosocial. Kemi 600 punonjës psikosocialë”, tha më tej ministrja.

Më tej ministrja Kushi shtoi se nga 170 objekte arsimore të përfshira në rindërtim, Kushi tha se kanë përfunduar 68 prej tyre.

“Programi i rindërtimit, shifrat që kam marrë sot në mëngjes. Nga 170 objekte të përfshira në rindërtim 68 e prej tyre kanë përfunduar, 36 nga buxheti i shtetit, nga bashkia kemi 13 objekte arsimore (11 shkolla, 2 kopështe) nga BE kemi 19 objekte arsimore (15 shkolla, 4 kopështe)”, tha Kushi.