Flash News

Denoncon Luan Baçi: Një kuti votimi ka ardhur me 500 fletë votimi mangët

I shoqëruar nga familja, Berisha voton në QV-në e shkollës “Kosova”

Skandal në Petrelë/ Gjeten në rrugë një tufë kartash ID të qytetarëve

Finiq/ Mosparaqitja e komisionerëve bllokon votimin, policia niset për t’i marrë

Probleme edhe në Shijak/ Pajisja biometrike nuk njeh shenjat e gishtërinjve të votuesve

Ditari i Maxhorancës

Xhafaj kritika Drejtësisë: Paguheni si asnjëherë në 30 vite, janë paratë e shqiptarëve, jepni llogari

Politiko 18 Maj 2022, 15:16

Xhafaj kritika Drejtësisë: Paguheni si asnjëherë në 30

Ish-ministri i Brendshëm, Fatmir Xhafaj, ka qenë sërish kritik ndaj organeve të drejtësisë. Në Komisionin e Ligjeve, Xhafaj u ndal te performanca e prokurorëve të rinj dhe pagat e tyre.

Ish-ministri tha se prokurorët po paguhen si asnjëherë më parë në 30 vite, duke theksuar se paratë që ata marrin janë të shqiptarëve dhe duhet t’iu përgjigjen llogaridhënies.

“Këshilli është institucion kyç. Janë anëtarë me kohë të plotë. Paguheni si asnjëherë në këto 30 vite. 3 mijë çështje në një vit. Të gjitha këto janë paratë e shqiptarëve, Ne thjesht bëjmë shpërndarjen. Ata kanë të drejtën të na kërkojnë llogari. Duhet t’ju kërkojnë ju llogari përmes nesh. Balla që është këtu nuk është anëtar i thjesht.

Ka qenë zv/kryetar i këshillit. Është përgjegjësi. Nuk është privilegj. Prokurorët sot ju thatë që janë më të pavarur se kurrë. Kushtetuta dhe ligji janë garantët e tyre. A veprojnë prokurorët sit ë pavarur? A e ndihmojmë ne këtë proces? A bëheni ne barrikadë për ta influencuar”, u shpreh Xhafaj.

Xhafaj tha se disa institucione të drejtësisë së re nuk kanë arritur pritshmëritë e publikut për transparencë dhe llogaridhënie, duke marrë si shembull Këshillin e Lartë të Prokurorisë.

“Mendoj që është një seancë dëgjimore shumë e rëndësishme kjo e sotmja për shkak se këtu janë përfaqësuesit e Këshillit të Lartë të Prokurorisë. Do mjaftonte kaq për ta bërë peshë të rëndë këtë diskutim. Reforma ka hyrë në një proces delikat të zbatimit të saj. Nga zbatimi i saj varen shumë gjëra në këtë vend.

Drejtësi e re do të thotë kushtetutë dhe ligje të reja. Përgjegjshmëri, llogaridhënie, transparencë që i kanë munguar sistemin. Të gjithë shpresojnë që drejtësia e re ta bëjë këtë gjë. Disa prej këtyre institucioneve kryesisht KLP nuk e ka arritur. Nuk ndihem mirë që e artikuloj sot këtë gjë. Por dua të jem i drejtë. Nuk kam më arsye ta mbaj koston përpara publikut. Nuk ka pse ta mbajë shoqëria këtë gjë. Do e mbani ju”, tha ai.

Të fundit