Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

ZDF: Shqipëria e Ramës autokraci, korrupsion dhe trafik ndërkombëtar

Politiko 15 Prill 2025, 15:11

ZDF: Shqipëria e Ramës autokraci, korrupsion dhe trafik

Rrjeti publik gjerman ZDF ka transmetuar një dokumentar kritik mbi Shqipërinë dhe rrugëtimin e saj drejt Bashkimit Europian, duke ngritur pikëpyetje të mëdha mbi gatishmërinë e vendit për t’u bërë pjesë e familjes europiane, por edhe mbi gatishmërinë e vetë BE-së për të pranuar një vend të zhytur në kriza të brendshme dhe struktura mafioze.

Dokumentari nis me kontekstin historik të Shqipërisë, e cilësuar si “Koreja e Veriut e Europës” deri në fillim të viteve ‘90 – një vend i izoluar nga Lindja dhe Perëndimi.

Sot, Shqipëria është kandidate për anëtarësim në BE që nga viti 2014, por sipas ZDF, integrimi i saj duket se po udhëhiqet më shumë nga interesa gjeopolitike sesa nga përmbushja e kritereve të demokracisë dhe shtetit të së drejtës.

“Pas pushtimit rus të Ukrainës, Bashkimi Europian është i gatshëm të kalojë mbi dështimet e qarta në lidhje me demokracinë dhe lirinë e shtypit në Ballkanin Perëndimor. Përfituesi i drejtpërdrejtë është Kryeministri i Shqipërisë, Edi Rama, klika e tij dhe strukturat mafioze në vend”, thuhet në dokumentar.

ZDF sjell kontrastin e fortë mes fasadës së promovuar ndërkombëtarisht dhe realitetit të brendshëm. Nga njëra anë, Shqipëria promovon turizmin duke tërhequr mbi 10 milionë vizitorë në vit, por nga ana tjetër, përballet me akuza serioze për korrupsion të nivelit të lartë dhe përfshirje të qeverisë në trafik ndërkombëtar droge.

“Në samitet ndërkombëtare, liderët europianë e lëvdojnë Shqipërinë, por në rrugët e saj dhe në Parlament, qytetarët protestojnë kundër një regjimi gjithnjë e më autokratik”, thekson ZDF.

Dokumentari mbyllet me dy pyetje thelbësore që sfidojnë narrativën zyrtare:

A është Shqipëria vërtet gati për Europën?
Dhe a është Europa gati të pranojë një vend të përfshirë nga protesta, korrupsion dhe struktura mafioze?

Të fundit