Zgjedhjet/ A do të ketë përkrah Xhafajn, Lleshajn dhe Bushatin, Rama: Pres propozimet e drejtuesve të qarqeve

Edi Rama, Sandër Lleshaj, Fatmir Xhafaj, Ditmir Bushati

Kryeministri Edi Rama iu përgjigj pyetjeve të gazetarëve, nëse do të ketë përkrah në zgjedhjet e 25 prillit ish-ministrat e brendshëm Fatmir Xhafaj dhe Sandër Lleshaj, apo Ditmir Bushatin.

Kreu i qeverisë ngarkoi me përgjegjësi drejtuesit e qarqeve të Partisë Socialiste, të cilët sipas tij do të propozojnë skuadrën që më pas do miratohet nga Kryesia e PS. 

“Nuk jam këtu për të bërë lajmet tuaja! Nuk është asnjëri i ndryshëm nga tjetri, të gjithë janë në trupën prej ku do të behet seleksionimi.

Drejtuesit e qarqeve kanë përgjegjësinë të bëjnë të gjitha draftet dhe të propozojnë skuadrën e çdo qarku dhe pastaj këtë gjë do ta miratojë Kryesia e Partisë Socialiste.

Unë pres propozimet e drejtuesve të qarqeve, të cilët duhet të bëjnë me përgjegjësi të madhe në funksion të rezultatit skuadrat dhe pastaj në Kryesi do të bëhet miratimi”, tha Rama.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm