Flash News

Përplasen makinat në Bulqizë, dy të plagosur

Arrestohet administratori i një subjekti, procedohen penalisht dy punonjës të IMT-së në Korçë

Ekstradohen tre shqiptarë të shpallur në kërkim ndërkombëtar

Trafiku i kokainës nga Amerika Latine, Gjykata e Posaçme lë në burg shtatë të arrestuarit

FIFA publikon renditjen e re, Shqipëria humb dy pozicione

Ditari i Maxhorancës

Zgjedhjet e parakohshme lokale në dorë të socialistëve! Klosi: Do mbahen në vjeshtë!

Politiko 23 Qershor 2025, 14:31

Zgjedhjet e parakohshme lokale në dorë të socialistëve!

Zgjedhjet e parakohshme lokale të parashikuara të mbahen në tre bashki, Mat, Berat dhe Tepelën, duket se janë në dorë të socialistëve se kur do të zhvillohen. 

Në një prononcim për mediat, sekretari i Përgjithshëm i PS-së, Blendi Klosi deklaroi se këto zgjedhje do të mbahen në vjeshtë dhe se ata kanë nisur nga puna për përzgjedhjen e kandidatëve.

“Tre bashkitë të cilat janë në garë në bazë të tërheqjes së kryetarëve të bashkive, Bashkia e Matit, Beratit dhe Tepelenës, pa dyshim janë në planet organizative të Partisë Socialiste. Shkojmë për t’i fituar të treja bashkitë. Kemi filluar, të paktën në Mat, përzgjedhjen e kandidaturave për rifreskimin e gjithë strukturës sonë elektorale, dhe besoj edhe Berati e Tepelena.

Të tre bashkitë, pa dyshim, do të shkojnë në zgjedhje dhe besoj se periudha e përcaktuar në Kod, pra vjeshta e këtij viti, është periudha e përshtatshme për ta kryer këtë proces.” – tha Klosi.

Por sipas asaj që parashikon ligji, duhet ta thotë Presidenti i Republikës, Bajram Begaj, se kur do të mbahen këto zgjedhje, pasi do të dekretojë datë, por mesa duket socialistët e dinë më mirë.

Edhe pse ligji parashikon një afat 45-ditor për zgjedhjet vendore në bashkitë e Beratit, Matit dhe Tepelenës, zëvendësimi i kryebashkiakëve të dorëhequr ka mbetur peng i procedurave të paqarta mes kryeministrit dhe presidentit, në “shkelje të shtetit ligjor”.
 

 

Të fundit