Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Zjarret në vend, Peleshi: Serioze situata në Karaburun, do të shtojmë kapacitetet njerëzore dhe 3 helikopterë

Politiko 3 Gusht 2021, 08:04

Zjarret në vend, Peleshi: Serioze situata në Karaburun, do të

Mbrëmjen e djeshme u mblodh Komiteti i Mbrojtjes Civile për situatën e krijuar në vend nga zjarret. Ministri i Mbrojtjes Niko Peleshi ka reaguar pas mbledhejes me anë të një postimi në rrjetet sociale.

Ai ka ritheksuar se situata në Karaburun mbetet serioze. Gjithashtu bën me dije se sot do të shtohën kapacitetet njerëzore për shuarjen e flakëve dhe do të vendosen në dispozicion tre helikopterë.

Këto masa, sipas Peleshit, janë marrë që të mos rrezikohet nga zjarri Parku i Llogarasë. Ai ka shprehur mirënjohjen edhe për punonjësit që po "luftojnë" me flakët në këto ditë me temperatura të pazakonta.

Para se të reagonte në rrjetet sociale, ministri ka dhënë dhe një prononcim për mediat, kur përfundoi mbledhja e Komitetit të Mbrojtjes Civile. Peleshi tha mediat se po shqyrtohen metoda teknike për shmangien e përhapjes së zjarrit. Kujtojmë që vatrat e zjarrin janë aktive prej rreth një jave në vendin tonë.

Ai tha se Agjensisë Kombëtare të Mbrojtjes Civile do t'i vihen në dispozicion burime financiare shtesë. Sa i përket ndihmës nga shtetet fqinjë, Peleshi tha se nuk është e mundur, pasi po përballen vetë me zjarret. Flakët kanë "pushtuar" Greqinë, Italinë, Turqinë dhe disa shtete të tjera.

“Jemi duke parë edhe mundesinë e metodave teknike apo inteligjente për shmangien e përhapjes së zjarrit, kemi konsideruar shtimin e forcave tokësore dhe nesër do të kemi një shumëfishim të efektivëve të Forcave te Armatosura.

Kemi diskutuar dhe marrë vendim, të cilin po e them tani për herë të parë, që t’i japim mundësi strukturave tona dhe konkretisht Agjensisë Kombëtare te Mbrojtjes Civile të përdorë jo vetëm burimet financiare dhe forcat e institucioneve që kanë në varësi por edhe burime financiare shtesë për të marre shërbim nëse do të jetë e nevojshme nga shtetet fqinj, nga operatorët privatë, nga të gjithë kapacitëtet që janë në dispozicion.

Lajmi jo shumë i mirë është që nuk është se ka shumë kapacitete në dispozicion nga vendet fqinj sepse janë përfshirë në emergjenca shumë më të rënda se tonat, kam parasysh Turqinë, Greqinë, Italinë, Kroacinë ku sot kam folur me Ministren e Mbrojtjes së Kroacisë para dy orësh, kam kërkuar mbështetjen me hidroplan, nuk kanë patur mundësi të na pergjigjen menjëherë por gjithësesi jemi në rradhë për t’i përdorur sapo të lirohet një kapacitet”, tha Peleshi.