Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

Ditari i Maxhorancës

Zjarri në QSUT, ministrja e Shëndetësisë: Ishte defekt, puna vijon normalisht

Politiko 15 Prill 2024, 12:06

Zjarri në QSUT, ministrja e Shëndetësisë: Ishte defekt, puna

Ministrja e Shëndetësisë, Albana Koçiu ka folur për zjarrin që ndodhi Urgjencën e QSUT.

Kryetarja e Komisionit për Punën, Çështjet Sociale dhe Shëndetësinë, Zheni Gjergji e ka pyetur Koçiun për masat që institucioni ka marrë për zjarrin në urgjencë, dhe nëse është apo jo funksionale aktualisht kur kanë kaluar disa javë.

“A jeni në dijeni për mos ofrimin e shërbimit të urgjencës për pacientët që i drejtohen Urgjencës së QSUT prej 11 Shkurtit 2024? Çfarë masash keni ndërmarrë për vijimin e ofrimit të shërbimit të urgjencës për qytetarët pas situatës së zjarrit në mjediset e Urgjencës së QSUT? A ka ushtruar Ministria që ju drejtoni të gjitha kompetencat dhe përgjegjësitë për të ushtruar mbikqyrjen e nevojshme për shkaqet dhe pasojat pas zjarrit në Shërbimin e Urgjencës në QSUT? A jeni në dijeni se mbi çfarë urdhërash/vendimesh dhe me cfarë afatesh QSUT ka devijuar ofrimin e shërbimit të urgjencës nga QSUT tek “Spitali i Traumës” dhe “Spitali Shefqet Ndroqi-Sanatoriumi”?”, tha Gjergji.

Ministrja deklaroi në komision se nga hetimet e prokurorisë rezulton se bëhet fjalë për një defekt teknik dhe se puna në urgjencë vijon normalisht.

Koçiu: Dua të komentoj të gjitha të pavërtetat. Investimi dhe transformimi i spitalit të sëmundjeve të brendshme, incidenti tregoi se standardet dhe cilësia e shërbimit mjekësor është i tillë anembanë vendit. Ka arsye për t’u ndjerë mirë dhe krenarë për stafin e mrekullueshëm. Është nën hetim nga prokuroria, nga të dhënat paraprake mund të konfirmoj se bëhet fjalë për një defekt teknik djegie të kabujve elektrikë pa dëmtuar pajisjet biomjekësore të spitalit. Në qsut vijon normalisht puna dhe shërbimet pa problematika, urgjenca kardiake dhe e sëmundjeve të brendshme, ofrohen në tek Shefqet Ndroqi, të fierit apo Shkodrës në koordinim shumë profesional të urgjencës mjekësore, janë spitale që i kanë të gjitha mundësitë, është meritë e investimeve për të forcuar sistemin shëndetësor në të gjithë territorin. Kompania kontraktore ka nisur punën për rehabilitimin, punimet pritet të mbarojnë në muajin maj.

Të fundit