Flash News

Flakët përfshijnë masivin pyjor të Darëzezës në Fier

Aksident i rëndë në Vlorë, përplaset automjeti me dy të rinj, vdes njëri prej tyre

Policia Kufitare e Durrësit gjen dy turistë me skaf, njëri humb jetën, tjetri në gjendje të rëndë

Makina përplas motorin, vdes 67-vjeçari në Bilisht

Detaje nga vrasja në Tale, dyshohet se Pjetër Kaza u qëllua në gjoks dhe kokë

Ditari i Maxhorancës

Zyra e fshehtë e patronazhistëve, Këlliçi nga komisariati numër 2: Kam bërë kallëzim penal

Politiko 11 Maj 2025, 23:07

Zyra e fshehtë e patronazhistëve, Këlliçi nga komisariati

Drejtuesi për qarkun e Tiranës i Partisë Demokratike Belind Këlliçi, duke folur nga komisariati numër 2 në kryeqytet tha se bërë një kallëzim penal për krime zgjedhore.

Duke folur për emisionin “Opinion” në Tv Klan, Këlliçi thotë se ka depozituara një kallëzim në Policinë e Shtetit, pasi ai dhe të tjerë kanë konstatuar një subjekt që shërbente si qendër elektorale për PS.

Siç u pa edhe në pamjet filmike Këlliç thotë se në ambientet e zyrës elektorale janë gjetur zyrtarë të lartë, përfshirë dhe deputetin Erion Braçe.

Për këtë të fundit Këlliçi njofton se ka bërë kallëzim në polici dhe se vetë Braçe ka pranuar se “zyra” ishte e tij.

“Ndodhem jashtë ambienteve të komisariatit numër 2 në Tiranë. Sapo kam bërë kallëzimin dhe deklaratën për rastin në fjalë, një krim elektoral që e kapëm në flagrancë, ku morëm një indicie të një zyre elektorale të padeklaruar të PS. Çuam zyrtarët tanë ku bënë verifikimin në vend, aty u konstatuan disa zyrtarë të shtetit.

Është qesharake, aty ishte dhe drejtoresha e Agjencisë të Inovacionit dhe të Ekselencës, një drejtoreshë e një kopshti në mos gaboj, një punonjës i tatimeve, një punonjës tjetër i njësisë bashkiake të cilët ishin mbledhur në një ambient të pa loguar, të PS ku ne patëm indicien për blerje vote. Menjëherë sapo kemi çuar anëtarët tanë, janë të filmuara edhe pamjet, kur i pyesim se çfarë po bënin dhe ata menjëherë kanë paketuar të gjitha sendet personale, kanë marrë çanta shpine, dokumente, kanë hequr nga muret harta elektorale me informacione, lista me emra dhe të dhëna zyrtare dhe kanë ikur me vrap. Kanë dalë pamjet filmike në media.

Menjëherë sapo unë kam parë këto pamje filmike, në këto ambiente në njësinë numër 5, përballë ARRSH-së, ku kam gjetur brenda në zyrë Erion Braçen , Genci Lulja, i cili ishte mbyllur brenda dhe refuzonte të jepte informacion. Kam marrë 4 herë personalisht në telefon Policinë e Shtetit për t’i kërkuar dhe ka ardhur pas 45 minutash ndërkohë që e kemi patrullën përballë. Kam marrë numrin e Task-Forcës, të krimeve elektorale të SPAK, nuk më është përgjigjur askush.

Ka ardhur policia pas 45 minutash dhe ka pasur konflikt fizik çështja me këtë Gencin e Bales pasi ka ardhur policia dhe kemi bërë këqyrjen në vend. Kanë bërë proces verbal dhe ka qenë rasti më qesharak në botë, ku vetë deputeti Braçe ka deklaruar se është zyrat e tij personale dhe i pyetur në prezencën timen. i pyetur nga zëvendësdrejtor i Policisë së Tiranës tha se nuk e dinte se kush janë.

Pra në zyrën e tij personal ai nuk dinte ekipin e tij elektoral. Unë kam depozituar një deklaratë në Policinë e Shtetit, zonja Kalaja që ka qenë bashkë me mua ka depozituar një kallëzim për krim elektoral, për mos kallëzim, organizatë kriminale dhe korrupsion aktiv në zgjedhje”, tha Belind Këlliçi