Flash News

Bie zjarr në një pallat në Astir

KAS i rrëzoi kërkesën për rinumërim të votave, Alimehmeti padit KQZ-në në Kolegjin Zgjedhor

Mahmut Orhan sjell një eksperiencë unike me Curious X

Gjashtë policë dërgohen në gjyq, nuk vendosnin gjoba edhe pse shikonin shkelje

Vrasja e Martin Canit/ 5 të mitur thirren për të dëshmuar në Gjykatë, autori mohon akuzat

Ditari i Opozitës

" Është i mbaruar", Noka reagon nga Kavaja: Rama sjellje perverse me fëmijët

Politiko 21 Prill 2025, 22:19

" Është i mbaruar", Noka reagon nga Kavaja: Rama sjellje

Nga Kavaja, në takimin me qytetarët, Sekretari i Përgjithshëm i PD, Flamur Noka i është përgjigjur kryeministrit Edi Ramës duke e cilësuar perverse shfaqjen me fëmijët minorenë.

Noka tha se Ramës po i rrëshket dheu nën këmbë pasi nuk ka program dhe nuk do që të japë llogari përpara qytetarëve.

"Erdhi sot Edi Rama me Elisa Spirobajrin dhe u morën me Eltonin. U ka djegur shumë fakti që Eltoni ka marrë përsipër të zerojë "Rilindjen" këtu në Kavajë. Po Eltoni do ta zerojë "Rilindjen" në Kavajë sepse ti ia zerove Kavajës të gjitha institucionet dhe tentove ta ktheje Kavajën në fshat duke hequr të gjitha institucionet nga Kavaja. E ka kthyer Kavajën sikur është një provincë e largët, humbëtirë. I ka bërë hesapet gabim. Nxorën disa klithma dëshpërimi kundër Eltonit.
Çfarë kryeministri je ti që shkon e mbledh fëmijë minorenë, vajza, djem, 13-14-15 vjeçarë dhe u thua ejani më shihni në you tube mua lakuriq.
Po ç’kusur kanë fëmijët tanë të shohin perversitetin tënd. Ç’kusur kanë vajzat tona, të jenë aty dhe të dëgjojnë një pervers që është kryeministër, që ju sheh me pervers në vend që t’ju ushqejë me dashuri, me kulturë, me edukatë.
A mund të jetë kryeministër ky njeri?
Po pse e tha ai atë?
Ua them unë.
Ai nuk ka program, ai s’do të japë llogari. Është i dëshpëruar. Ai është i braktisur, është i braktisur, sepse nuk ka qytetarë. Edhe këtu kishte administratë, por atje kishte nxjerrë me dhunë në ditë pushimi nxënësit dhe nxënëset për t’ju treguar se po i shkojnë njerëz. Dhe e ndjen, atij po i rrëshqet dheu nëpër këmbë.
Ai e ndjen se jo që po humb, se po ua them unë këtu motra dhe vëllezër, humbja është lule për atë. Por pas humbjes e pret ‘lali vjedhësi’ atje tek vendi. Prandaj kjo e tmerron Edi Ramën. Kjo e tmerron Edi Ramën, e ka humbur.
I fut nja dy viza, i errësohet shikimi dhe nuk di aty se çka, fëmijë përpara dhe flet perversitete. Është në dëshpërim. A e mbani mend para 1 viti. 90 mandate do të marr thoshte, e uli në 86. E uli në 84. Shkoi në 78. Tani shkoi në 71. Ka mbaruar" tha Noka pasditen e së hënës në Kavajë.

Të fundit