Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

1 në 4 të rinj shqiptarë pa punë dhe pa shkollë, Tabaku: Pushteti i mbush institucionet me militantë

Politiko 5 Shkurt 2025, 13:54

1 në 4 të rinj shqiptarë pa punë dhe pa shkollë,

Deputetja e Partisë Demokratike, Jorida Tabaku, ka ngritur shqetësimin mbi gjendjen e të rinjve shqiptarë, të cilët përballen me papunësi, mungesë mundësish dhe një ekonomi që po i detyron të largohen nga vendi.

Në një video-mesazh të publikuar në rrjetet sociale, Tabaku theksoi se 1 në 4 të rinj shqiptarë, nga 15 deri në 30 vjeç, është pa punë dhe pa shkollë, një shifër alarmante prej 25%, që dëshmon dështimin e politikave qeveritare për të rinjtë.

Nga ana tjetër, deputetja e PD vuri në dukje edhe fenomenin e klientelizmit dhe nepotizmit në administratën shtetërore, duke theksuar se vendet e punës në institucione nuk po u ofrohen të rinjve me aftësi dhe merita, por atyre që janë të lidhur me Partinë Socialiste.

Pjesë nga fjala e Tabakut:

1 në 4 të rinj shqiptarë, nga mosha 15 deri në 30 vjeç, është pa punë dhe pa shkollë.

Një shifër alarmante: 25%!

Sot, të rinjtë shqiptarë po braktisin arsimin, jo sepse nuk kanë ambicie, por sepse kanë halle të tjera. Çmimet e qirave janë rritur ndjeshëm, shërbimet publike janë bërë të papërballueshme dhe përfundimi i muajit është një sfidë më vete.

Një i ri sot nuk ka mundësi të blejë një banesë. 50.000 çifte të reja janë në pamundësi për të pasur një shtëpi të tyrën.Këto janë problemet reale të rinisë shqiptare!

Por ndërkohë, ekziston edhe një tjetër realitet: të rinj që, në vend që të luftojnë për një të ardhme më të mirë, zgjedhin të thurin lavde shefit dhe përfundojnë në poste të larta, pa asnjë meritë, por vetëm falë lidhjeve dhe miqësive me përfaqësues të Partisë Socialiste.

A është kjo e drejtë?

A është ky modeli që duam të ndërtojmë për rininë shqiptare?

Të fundit