Flash News

Sherr mes adoleshentëve, 15-vjeçari përfundon në spital

Konstituimi i Kuvendit të Kosovës, dështon edhe propozimi për votim të fshehtë

Aksident në aksin Peqin–Elbasan, plagosen rëndë dy persona

‘Fight, fight, fight’/ PD-ASHM drejt fitores historike, LaCivita mobilizon fushatën në takimin me kandidatët

Makina përplas këmbësoren në aksin Korçë – Pogradec, ndërron jetë 43-vjeçarja

Ditari i Opozitës

10 ditë nga zgjedhjet, Salianji: Me votë t'i biem në kokë të keqes!

Politiko 30 Prill 2025, 21:26

10 ditë nga zgjedhjet, Salianji: Me votë t'i biem në

Ish-deputeti i PD, Ervin Salianji ka ka përcjellë një mesazh nga qelia jo vetëm për qytetarët, por edhe për demokratët, kur na ndajnë edhe më pak se dy javë nga zgjedhjet e 11 majit.

Në një postim në "Facebook", Salianji shkruan se shumë rrethana që më parë ishin kundër, janë sot pro opozitës.

Ai apelon strukturat demokrate që angazhimi me qytetarët duhet të jetë maksimal dhe se orët e secilës ditë duhen shfrytëzuar për më shumë takime, më shumë kontakte, më shumë komunikim.

"Me votë ti biem në kokë të keqes! Punë, punë, punë, takime, takime, takime. Kur po mbërrijmë në etapën e fundit, në 10 ditëshin para ditës së votimit, shumë rrethana që më parë ishin kundër, janë sot pro Opozitës. Më së pari, jo vetëm nuk kemi më një PD të izoluar, por me kontaktet më të forta të mundshme në SHBA dhe me pjesmarrje në tryezat më të rëndësishme të PPE. Kjo e ka dhënë që tani efektin, sepse Edi Rama e di mirë se vota e blerë, e kapur, e shantazhuar nuk do të kalojë më në sytë e ndërkombëtarëve, sikur të mos kishte ndodhur asgjë.

Programi i PD është pritur mirë dhe ka mbërritur tek njerëzit. Po mbi të gjitha, pakënaqësia e qytetarëve, mllefi deri në revoltë, ka mbërritur rrezun, dhe kjo është rrethana më e favorshme për një Opozitë. E vetmja gjë që mund të dëmtonte këtë trend të sotëm drejt 11 Majit, është vetë PD, nëse lejon neglizhencë, nëse ul ritmin, nëse merr të mirëqënë se rrotacioni do të ndodhë. Në të kundërt, orët e secilës ditë duhen shfrytëzuar maksimalisht për më shumë takime, më shumë kontakte, më shumë komunikim. Fundi i fushatës ka tendencën të sjellë një lloj lodhje, që do të ishte e pafalshme. Çdo gram energji deri në sakrificë duhen vënë në lëvizje këto ditë.

Çdo zonë e paprekur, duhet shkelur. Secili që mund të konsiderohet si i pavendosur, ose jo me ne, duhet ftuar sërish. Ai mendimi se nuk po shkoj aty se kam qënë një herë, duhet të bjerë. Çdo demokrat po më së pari drejtuesit, lypset të jenë një valë më lart se padurimi i njerëzve. Sakrifica 12 vjeçare e demokratëve duhet përligjur me punë pa ndalim. Neglizhenca më e vogël apo vetëkënaqësia do të ishin më së pari një mosvlerësim për kalvarin e anëtarëve, qendrestarëve, të atyre që u përballën 12 vite me një regjim, pa punë, pa marrë diçka në kembim, pa e shitur shpirtin, shpresën e besimin e tyre. Këtë 10 ditësh, rrugët, lagjet e vendit duhet të ziejnë nga demokratët, nga drejtuesit. Në këtë mënyrë, rezultati s’do të mungojë. Haka do shkojë te i zoti," shkruan Salianji.