Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"1.7 mld dollarë duhet t'ju paguajmë ortakëve të qeverisë", Tabaku: Vizioni, “merru paratë shqiptarëve për të paguar PPP-të”

Politiko 16 Korrik 2021, 13:14

"1.7 mld dollarë duhet t'ju paguajmë ortakëve të

Deputetja e PD-së, Jorida Tabaku ka sjellë në vëmendje studimin e Open Data Albania, ku rezulton se 11.2% e Prodhimit të Brendshëm Bruto është borxhi që shteti i ka Partneritetit Publik-Privat.

Një një postim në rrjetet sociale, Tabaku shkruan se në 8 vjet qeverisje vizioni ka qenë “merru paratë shqiptarëve për të paguar PPP-të”. Sipas saj çdo shqiptar punon një punë ekstra apo një orë më shumë në punë për të paguar faturën në rritje të PPP-ve.

Deputetja shkruan se detyrime kapin shifrën e mbi 1.7 mld dollarë që ne duhet t’i paguajmë PPP-ve apo sipas saj, ortakëve të qeverisë.

Tabaku ka një thirrje dhe për SPAK, ku shkruan se nëse doni të luftoni korrupsionin: filloni me ato që kanë zaptuar buxhetin e shtetit, me ato që kanë shkruar dhe firmosur kontrata që sot vendosin në rrezik financat publike dhe që vjedhin shqiptarët.

Reagimi i plotë:

Në 8 vjet qeverisje vizioni ka qenë “merru paratë shqiptarëve për të paguar PPP-të”. Çdo shqiptar punon një punë ekstra apo një orë më shumë në punë për të paguar faturën në rritje të PPP-ve.
Sot, gjithnjë e më pak qytetarë kanë të ardhura shtesë në portofolin e tyre sepse ato shkojnë për të paguar PPP-të që për 30 vite do të shterojnë paratë e shqiptarëve.

Studimi i Open Data Albania fakton atë të vërtetë që kemi vite që e flasim; 11.2% e PBB është detyrimi që ne si shtet i kemi PPP-ve.

Shqipëria është e para në BE sa i takon kostos që mban çdo qytetar për qokat korrupte të qeverisë!
Janë detyrime që kapin shifrën e mbi 1.7 mld dollarë që ne duhet t’i paguajmë PPP-ve apo më saktë ortakëve të qeverisë.
Një borxh që ka marrë peng buxhetin e shtetit, pra me pak fjalë na ka marrë borxh secilin prej nesh. Sa herë që ne marrim një lek më shumë do të na duhet që të shlyejmë këtë borxh, pasi përherë e më shumë qeveria do të rrisë taksat për të shlyer borxhin.
Shqiptarë të varfër, buxhet i varfër por miq të qeverisë të pasur në kurrizin e qytetarëve!
Sa më shumë që vazhdohet tradita e ligjeve speciale, kontratave abuzive dhe fiktive edhe më i madh do të jetë abuzimi që do të bëhet me PPP.
Doni te luftoni korrupsionin: filloni me ato që kanë zaptuar buxhetin e shtetit, me ato që kanë shkruar dhe firmosur kontrata që sot vendosin në rrezik financat publike dhe që vjedhin shqiptarët!