Flash News

Ditari i Opozitës

‘2 mln euro për takim’, Berisha: Rama në ekskursion me patronazhistët dhe thotë 'takova emigrantët'

‘2 mln euro për takim’, Berisha: Rama në ekskursion me

Kryedemokrati Sali Berisha deklaron se kryeministri Edi Rama merr patronazhistët në takimet e tij dhe të thotë 'takova emigrantët'.

Nga tubimi qytetar, Berisha thotë se fatura e takimeve te Ramës shkon deri në 2 milionë euro. 

Berisha: Dhe çfarë ndodh sot?
Me pafytyrësinë më të madhe, Edi Rama me hordhinë e patronazhistëve të tij kërkon të vijë të ju për takim.
Edi Rama kërkon t’ju takojë, pasi ju ka zbuar nga Shqipërisë dhe kërkon t'ju prishë qetësinë. T'ju trazojë stabilitetin e krijuar me sakrifica të panumërueshme.
Edi Rama me patronazhistët e tij kërkon t'ju fusë edhe ju në propagandën e tij.
Edi Rama thotë se po bën takim me emigrantët. Por e vërteta, që e panë me sy dhe e dëgjuan me veshë të gjithë shqiptarët ishte se ai po bën ekskursion me patronazhistët e tij të pangopur.
Nuk mund ta lejojmë kurrë këtë tallje. Nuk mund ta lejojmë Edi Ramën të shkojë në ekskursion me patronazhistët dhe të thotë takova emigrantët.
Një ekskursion, që po të llogaritet kostot e transportit të tyre me autobuzat, me tragete, me vetura personale, me avionë.
Po të llogarisësh kostot e cirkut me këngëtarë dhe artistë, salla e stërsalla.
Po të llogarisësh kostot e dietave e kësaj lukunie të pangopur, fatura që paguajnë taksapaguesit shkon 2 milionë euro për çdo takim.

Të fundit