22 marsi/ Berisha bën rezymenë: Vitet 2013-2022 ishin më të zymtat, Basha e udhëhoqi partinë në humbje

Ish-kryeministri Sali Berisha ka bërë një reagim të gjatë në 30 vjetorin e fitores historike të Partisë Demokratike. Ai thotë se 22 marsi i ’92 ndau epokat, ndërsa rendit disa nga arritjet e qeverisjes demokratike asokohe. Berisha nënvizon se PD e nxori Shqiperine nga izolimi dhe lidhi miqësi me SHBA-në dhe shtetet e tjera.

“Me 22 mars te vitit 1992 ne ndame epokat dhe nisem udhetimin e tone ne rrugen e lirise dhe dinjitetit njerezor dhe kombetar, rrugen e mbrojtjes se interesit kombetar dhe çeshtjes shqiptare si dhe hapjes, renditjes dhe integrimit te Shqiperise ne krahun e miqve te saj te lirise dhe ne proceset integruese europiane dhe euroatlantike.

Kushtet pra ne te cilat erdhi ne pushtet PD ishin te jashtzakoshme por me e jashtzakoshme ishte fuqia e lirise dhe vlerave te saj dyert e te cilave hapen me voten e tyre te lire shqiptaret. Ajo nxori Shqiperine nga izolimi me i thelle, e lidhi ne miqesi me SHBA dhe vendet tjera te lira”, shkruan Berisha.

Ai ndalet edhe te viti i vështirë për Shqipërinë, duke e cilësuar ’97 si gabimin historik të PD-së.

“Ne vitin 1997 Partia Demokratike njohu gabimin e saj historik te mosndalimit ne kohe te skemave piramidale. Ajo ju kundervu rrebelimit komunist me mjete politike dhe percaktoi zgjedhjet e pergjithshme si rruge politike per zgjidhjen e krizes”, shton ish-kryeminsitri.

Ky i fundit ndalet edhe te humbja dhe pranimi i vullnetit të qytetarëve në vitin 2013.

“Ne vitin 2013 shqiptaret me vullnetin e tyre hodhen poshte kontraten me PD dhe Sali Berishen dhe votuan per nje kontrate tjeter. Respektova plotesisht vendimin e tyre dhe mora vendimet e duhura”, nënvizon ai.

Berisha hedh akuza ndaj qeverisë Rama. Ndërsa shton se vitet 2013-2022 ishin të zymta edhe se PD nuk e fitoi dot besimin e qytetarëve. Teksa e konsideron një humbës, Berisha thotë se pas zgjedhjeve të 25 prillit, Basha përfundoi në një drejtues që nuk respektoi asnjë nrmë statutore dhe institucionale.

“Por vitet 2013-2022 ishin vitet me te zymta per shqiptaret edhe per faktin se Partia Demokratike nuk fitoj dot besimin e shqiptarve. Ajo u drejtua nga nje kryetar qe e udhehoqi ate nga humbja ne humbje.

Ai pas zgjedhjeve te prillit te vitit 2021 perfundoi ne nje drejtues qe nuk respektoi asnje norme parimore, institucionale, statutore. Mafia e George Soros me lobimin korruptiv Rama Soros ne Shqiperi dhe ne SHBA me shpalli nongrata per korrupsion pa asnje fakt, dokument apo prove.

Ne kete vendim siç do provohej, Luzim Basha me shpifjet e tij kishte dhene kontributin e vet. Por pas nje procesi historik baza e partise dhe drejtues te saj me procedura statutore e shkarkuan ate”, shkruan ndër të tjera Berisha.