Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

25 Prilli/ Bashkia e Tiranës dhe Vlorës nuk dorëzuan informacione, PD paralajmëron kallëzim penal

Politiko 24 Nëntor 2021, 11:06

25 Prilli/ Bashkia e Tiranës dhe Vlorës nuk dorëzuan

Komisioni Hetimor për zgjedhjet e 25 Prillit i ka dërguar disa javë më parë disa institucioneve, një shkresë me kërkesë informacioni që lidhej me hetimin.

Megjithatë një pjesë e institucioneve ende nuk janë përgjigjur duke përmendur këtu Inspektoratin e Mjedisit dhe dy Bashkitë e Tiranës dhe Vlorës. Kërkesa për informacion iu është dërguar bashkive lidhur me punësimet elektorale, dhe në rastin e Tiranës edhe për shpërblimet e tërmetit të 26 Nëntorit.

Ishte deputeti i PS-së Toni Gogu, i cili kërkoi t’i jepnin edhe pak më shumë kohë institucioneve pasi informacionet do të mbërrinin shumë shpejt.

“Jeni duke humbur kohë, pasi institucionet po zbatojnë afatet. Të dyja pretendimet që ngrenë kolegët hidhen poshtë nga moria e informacionit që ka ardhur. Të kalojmë tek pika tjetër e rendit të ditës”, tha Gogu.

Kjo u refuzua nga deputetët demokratë. Kreu i Komisionit Hetimor Parlamentar të 25 Prillit paralajmëroi kallëzim penal ndaj Bashkisë së Vlorës dhe Tiranës për shpërdorim detyre.

“Miratimi i planit të hetimit, që është pika tjetër, do të ishte i plotë, kur ne të kishim të gjithë informacionin e plotë të kërkuar. Nëse ka ardhur përgjigja nga 59 bashki, nga 12 inspektorate, nga ministritë dhe institucione të tjera, këtu ka diçka që nuk shkon. Shkresat janë dërguar prej më shumë se 3 javë përpara. Detyrimi për përgjigje është sipas afateve që vendos komisioni. Ne duhet të reagojmë, pasi sa herë vërehet një indiferencë, në rastin më të mirë, nuk ka më justifikon ligjor. Është detyrim ligjor që të reagojmë ligjërisht ndaj këtij qëndrimi. Në përfundim të kësaj mbledhje do të depozitohet kallëzimi penal për shpërdorim detyre”, deklaroi Alibeaj.

Të fundit