Ditari i Opozitës

25 prilli, Duka: Opozita e bashkuar fiton në Durrës, qeverisja Rama-Basha nuk ndodh kurrë

25 prilli, Duka: Opozita e bashkuar fiton në Durrës, qeverisja
Agron Duka, kreu i PAA

Kreu i Partisë Agrare Ambientaliste, Agron Duka deklaron se opozita e bashkuar fiton në qarkun e Durrësit në zgjedhjet e 25 prillit.

Uroj dhe shpresoj që sa më shpejt të gjendet gjuha e përbashkët me aleatët dhe ata që janë brenda PD-së. Për 1 javë ose 10 ditë duhen emrat e njerëzve që janë gati për betejë elektorale. Situata në Durrës për ne është pozitive.

Dihet se Durrësi ishte një zonë shumë e përfolur, për vjedhje votash. Nëse për një javë ndizen motorët, në Durrës fiton opozita e bashkuar, PD dhe të gjithë aleatët që janë brenda, edhe LSI-ja”, tha Duka në “Real Story”.

Ai shton se mund të shkohet me dy lista në zgjedhje, por hedh poshtë në mënyrë kategorike mundësinë që Basha të bëjë koalicion me Ramën.

Gjithë kohës është thënë se do të dilet me dy lista. Besoj do të dilet me 2 lista. Nëse kemi mundësi të nxjerrim më shumë kandidatë, pse të mos nxjerrim më shumë se 140 deputetë. E rëndësishme është që sa të mbarojnë negociatat në opozitë, ne duhet të themi se ne jemi bashkë. Ka pasur aludime që kanë çoroditur elektoratin e opozitës. Basha ka thënë se nuk ndodh kurrë që të qeverisim me Ramën”, shtoi Duka.

Ditari politik

Të fundit