Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

30 vite më parë siguroi fitoren, si e gjeti ky 22 mars Partinë Demokratike

Politiko 22 Mars 2022, 11:11

30 vite më parë siguroi fitoren, si e gjeti ky 22 mars Partinë

22 marsi është një ditë e rëndësishme për Partinë Demokratike. 30 vite më parë, Partia Demokratike mori fitoren absolute në zgjedhje dhe qeverisi vendin deri në vitin ’97. Kryeministër asokohe ishte Aleksandër Meksi.

Ndërkohë 30 vite më pas, PD është në situatën ndoshta më të vështirë që nga krijimi i saj. Një ditë më parë Lulzim Basha dha dorëheqjen, pasi e drejtoi partinë për 9 vite, por nuk mundi të siguronte asnjë fitore.

Pas largimit të tij, PD do të drejtohet përkohësisht nga Enkelejd Alibeaj. Përplasjet në selinë blu nisën pas vendimit të 9 shtatorit, ku Basha vendosi përjashtimin e ish-liderit Sali Berisha nga grupi parlamentar.

Vendimi erdhi pas presionit të ndërkombëtarve, të cilët kërkuan që Basha ta përjashtonte Berishën sepse u shpall “non grata” nga SHBA për korrupsion në muajin maj.

Demokratët u ndanë në mbështetës të Bashës dhe të Berishës. Kjo solli dhe mbajtjen e dy Kuvendeve, të cilët nuk i njihnin vendimet e njëri-tjetrit.

Por pas humbjes së thellë të PD-së së Bashës në zgjedhjet e pjesshme të 6 marsit, fitores së një bashkie dhe daljes forcë e dytë të “Shtëpisë së Lirisë”, presioni për largimin e Lulzim Bashës u rrit.

Edhe besnikët i kërkuan atij që të hiqte dorë nga drejtimi i PD-së. Fillimisht ai nuk e pranoi humbjen e 6 marsit, ndërsa më pas u tërhoq, duke thënë se do të bënte gjithçka për interesin e demokratëve.

Basha e njoftoi largimin, teksa pjesa dërrmuese e demokratëve kishte javë që e priste si vendim. Tashmë mbetet për t’u parë se kush do të jenë individët që do të shpallin kandidaturën për të drejtuar PD-në dhe nëse Basha do ta ketë sërish si synim këtë post.

Të fundit