Flash News

Në kërkim ndërkombëtar për korrupsion, ekstradohet nga Afrika Loran Dusha

Zjarr në Kavajë, përfshihet nga flakët një pikë grumbullimi hekurash

Apeli i GJKKO-së lë në fuqi sekuestron e pasurive të Arben Ahmetajt

Arrestohet në Tiranë Astrit Sinanaj, tentoi dy herë të vriste një biznesmen

Aksident në Rrugën e Arbrit, përfundojnë te Trauma dy turistë të huaj

Ditari i Opozitës

"30 vjet më parë shembëm diktaturën më të egër", Basha- të rinjve: Takohemi për të mundur virusin më 25 prill

Politiko 8 Dhjetor 2020, 13:30
"30 vjet më parë shembëm diktaturën më të
Në foto: Kreu i Partisë Demokratike, Lulzim Basha, gjatë organizimit të FRPD-së me rastin e 8 dhjetorit

FRPD ka organizuar një takim me rastin e 30-vjetorit të Lëvizjes Studentore. I ftuar në takim, kryetari i Partisë Demokratike, Lulzim Basha, është shprehur se më 25 prill, rinia shqiptare do të marrë sërish në dorë fatet e vendit, për të mundur virusin në qeveri.

“Të rinj dhe të reja shqiptarë, Gëzuar 8 Dhjetorin. Rinia shqiptare do marrë në dorë fatet e vendit. Mezi po pres që së shpejti të takohemi, për të mundur virusin më 25 prill, për të kthyer shpresën e çdo të riu dhe të reje shqiptare. Gjej rastin të përshëndes shqiptarët nga Kosova, Maqedonia e Veriut, Mali i Zi etj. 30 vjet më parë shembëm diktaturën më të egër në Europë”, tha Basha.

Sipas, Bashës Shqipëria ka 8 vjet që përjeton errësirë, dhe se kjo situatë duhet e do marrë fund njëherë e përgjithmonë.

“Ka 8 vjet që Shqipëria është kthyer pas. Ka 8 vjet që situata paraqitet shumë e rëndë. Shumë të rinj duan të ikin nga Shqipëria. Shumë e mendojnë si opsionin e vetëm emigracionin. Varfëria, padrejtësia dhe të tjera plagë të shoqërisë duhet që të munden. Kjo qeveri ka frikë nga forca e rinisë shqiptare. Kjo ndodh në kohën, kur ne kemi një rini që po shkëlqen në botë. Mjafton vendosmëria për të bërë ndryshimin e madh. Fatet e Shqipërisë janë në duart e tua”, u shpreh Basha.

Kujtojmë se, më herët kryedemokrati së bashku me ish-kryeministrin Berisha kanë zhvilluar homazhe me rastin e 8 dhjetorit te monumentit të heroit të demokracisë, Azem Hajdari.

Pjesë e homazheve ishin edhe Sekretari i Përgjithshëm i PD, Gazment Bardhi, nënkryetarët Edi Paloka dhe Edmond Spaho, si dhe në emër të të rinjve, kryetari i FRPD, Belind Këlliçi.

Të fundit