Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

34 vjet nga vrasja Havzi Nela/ Vëllai i poetit i tregon Ramës “urdhrin e vdekjes”: Kërko falje për firmën që vuri babai yt

Politiko 10 Gusht 2022, 12:20

34 vjet nga vrasja Havzi Nela/ Vëllai i poetit i tregon Ramës

Partia Demokratike ka kujtuar 34-vjetorin e ekzekutimit të poetit anti-komunist Havzi Nelës. Qytetarë dhe përfaqësues të PD, vendosën kurora lulesh në monumentin e poetit.

Vëllai i poetit, Shukri Nela i kërkoi kryeministrit Edi Ramës, të kërkojë së paku falje për firmën që babai i tij vuri për varjen e Havzi Nelës.

“Minimumi të kërkojë falje. Ka thënë vazhdimisht që nuk e besoj se babi im të ketë firmosur për varjen e Havzi Nelës. Ja firma. Kjo është firma e Kristaq Ramës bashkë me 6 të tjerë”, tha vëllai i Havzi Nelës.

34 vjet nga vrasja Havzi Nela/ Vëllai i poetit i tregon Ramës

Dëshmitari i varjes së Havzi Nelës, Samedin Çerkezi rrëfeu se si ndodhi ngjarja.

“Kur është varur Havzi Nela kam qenë këtu. Jam dëshmitar okular. Ai nuk vdiq, ndërroi jetë. Është ne zemrat tona dhe të gjeneratave që vijnë. Urrejtja për vdekjen e Havzi Nelës e tmerrojnë sigurimin e Enver Hoxhës i cili edhe sot ka urrejtje ndaj demokracisë, lirisë dhe së drejtës”, tha Çekrezi.

Ndërsa nënkryetari i PD-së në  Kukës, Admir Sinamati në fjalën e mbajtur u shpreh se 10 gushti do të kujtohet si dita e Martirit të Demokracisë Havzi Nela.

“10 Gushti është një ditë solemne. Është ditë solemne se ka të bëjë me përkujtesën. Ka të bëjë me nderimin për Martirin e Demokracisë Havzi Nela dhe Partia Demokratike do ta shohë 10 Gushtin gjithmonë si të tillë. 34 vjet ma parë regjimi obskurantist ndëshkoi me varje Havzi Nelën, Martirin tonë. Pikërisht në këtë vend ku jemi mbledhë të nderojmë Martirin.

Në fund po përmend fjalët e fundit të Havzi Nelës para litarit: I keq kam qenë dhe ashtu po shkoj. Të këqijat e mija i mora me veti. Kërkoj që të afërmit e mi të trajtohen mirë, mos të merren nëpër kambë. Kam nëntëqind e dhjetë lekë dhe kërkoj që këto t’u jepen të afërmve të mi (nanës)”, deklaroi Sinamati.

34 vjet nga vrasja Havzi Nela/ Vëllai i poetit i tregon Ramës

Të fundit