Flash News

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

Ditari i Opozitës

36-vjetori i vdekjes së Havzi Nelës, Berisha: Me vargjet e tij për të drejtat e njeriut, tronditi thellë regjimin

Politiko 10 Gusht 2024, 20:39

36-vjetori i vdekjes së Havzi Nelës, Berisha: Me vargjet e tij

Kreu i PD, Sali berisha ka përkujtuar 36-vjetori i vdekjes së shkrimtarit dhe poetin martir Havzi Nela. 

Nga tubimi qytetar, Berisha tha se Nela ishte me poezitë e tij, lajmëtari, ishte lajmëtari i fundit të diktaturës dhe përmbysjes së saj. 

Berisha: Sot mbarë shqiptarët përulen me nderimin më të madh para veprës, kujtimit, shpirtit të pamposhtur, tribunit të vërtetë të lirive dhe të drejtave njerëzore, poetit disident, Havzi Nela, i cili 36 vite më parë me firmën e diktatorit të fundit komunist, Ramiz Alisë, me firmën e skulptorit xhelat të intelektualëve, Kristaq Rama u var publikisht në qytetin e Kukësit, vetëm një ditë para rënies së murit të Berlinit.
Varja me litar e martirit të fjalës së lirë, e guximtarit legjendë, e atdhetarit të flaktë, përbën një nga aktet më makabre të diktaturës komuniste në grahmat e fundit të saj.
Havzi Nela ishte me poezitë e tij, lajmëtari, ishte lajmëtari i fundit të diktaturës dhe përmbysjes së saj.
Ai me vargjet e tij për liritë dhe të drejtat e njeriut, me vargjet e tij për frymën e Helsinkit, tronditi thellë regjimin e vetëm në Europë që nuk kishte firmosur kartën e Helsinkit duke besuar se në këtë mënyrë do të shpëtonte prej frymës së saj.
Havzi Nela këtë frymë e mishëroi në poezitë e tij të pavdekshme si kushtrim lirie për shqiptarët.
Ai e dinte se diktatori, kryexhelati i regjimit dhe xhelatët e tjerë do ti merrnin jetën. Por për atë më mirë i vdekur, se sa i gjallë në zgjedhën e egër të diktaturës komuniste.
Havzi Nela u var, u përpoqën me të gjitha format ta damkosnin të përhapnin terrorin e varjes së tij, por sot ai dhe përjetë ndodhet në panteonin e lirisë së kombit shqiptar, kurse xhelatët e tij, Ramiz Aliaj, Kristaq Rama digjen në ferrin e turpit të krimit, të terrorit që i shkaktuan kombit të tyre dhe me të cilin urdhëruan varjen e poetit të pavdekshëm.

Të fundit