Flash News

Draft-raportet nga Brukseli ekspozojnë ‘fasadën e qeverisë’ ndaj integrimit

Ferri në kampin e Gjadrit, 45 tentativa plagosjesh dhe protesta të dhunshme

U zhyt në lumë për t’i shpëtuar nga mbytja, shqiptari bën tatuazh fytyrat e dy fëmijëve të ndjerë

Pse Lufta e III-të Botërore po ‘flet’, dhe Rama po hesht

Irani përballet me ndërprerje pothuajse totale të internetit

Ditari i Opozitës

"53 mijë zarfe të dyshimta në Greqi", Logu: Manipulim masiv me votat e emigrantëve

Politiko 13 Maj 2025, 16:53

"53 mijë zarfe të dyshimta në Greqi", Logu: Manipulim

Përfaqësuesi ligjor i Partisë Demokratike, Marash Logu ka akuzuar qeverinë dhe operatorit postar DHL për shkelje në lidhje me administrimin e zarfeve të ardhura nga Greqia për zgjedhjet.

Në një prononcim për mediat, ai tha se ky proces ka nisur shkelje flagrante të kushteve të kontratës mes KQZ-së dhe DHL-së, ku në kundërshtim të hapur me protokollin e sigurisë dhe klauzolat kontraktuale, shpërndarja dhe marrja në dorëzim e zarfeve është kryer nëpërmjet nënkontraktimit, një praktikë që kontrata ndalonte qartësisht.

Sipas tij ka patur rritje të papritur të numrit të zarfeve nga Greqia, duke ngritur dyshime serioze për manipulimin e votës së emigrantëve shqiptarë në këtë shtet.

"Ajo që dua të theksoj fillimisht lidhet me zarfat e ardhur nga Greqia. Ka dy fakte që i dimë tashmë. Fakti i parë ka të bëjë me një shkelje flagrante nga ana e operatorit të shërbimit postar DHL, i cili kishte një kontratë me KQZ-në. Ky operator nuk ka kryer vetë procedurën e shpërndarjes dhe marrjes në dorëzim të zarfeve që vinin nga Greqia, por e ka bërë këtë nëpërmjet nënkontraktimit. Ndërkohë, në kontratë thuhet shprehimisht se nënkontraktimi nuk lejohet. Pra, i gjithë ky proces ka nisur me një shkelje të rëndë të kushteve kontraktuale nga ana e shërbimit postar.

Elementi i dytë, të cilit mund t’i referoheni edhe me shifra zyrtare të KQZ-së, është fakti se nga data 17.04.2025 deri më 04.05.2025 nga Greqia kanë ardhur vetëm 17 mijë zarfe, me një mesatare ditore prej rreth 100 zarfe në ditë. Më datë 04.05.2025, ka një deklaratë të z. Rama në Gjirokastër, ku ai shprehet se procesi i shpërndarjes së fletëve të votimit në Greqi ishte "mishmash".

Pas kësaj deklarate, drejtuesi politik i PS-së, së bashku me grupe patronazhistësh, janë nisur drejt Greqisë. Ju i keni parë pamjet: në pika dhe qendra të caktuara të DHL-së në të gjithë Greqinë, patronazhistët e PS-së janë angazhuar në mënyrë të paautorizuar për marrjen e zarfeve që kishin shkuar për zgjedhësit shqiptarë. Këto zarfe janë marrë, janë plotësuar dhe janë dërguar më pas në Shqipëri.

Nga data 5 maj deri më 11 maj, pra për vetëm 6 ditë, kemi pasur 36 mijë zarfe të ardhur nga Greqia. Kjo anomali, në vlerësimin tonë, nuk mund të shpjegohet ndryshe veçse si rezultat i një manipulimi të votës së shtetasve shqiptarë që ndodhen në Greqi.

Sipas protokollit të sigurisë, çdo zarf duhet të merret personalisht nga zgjedhësi, të nënshkruhet dhe të dorëzohet me një dokument identifikimi të vlefshëm. Kjo nuk ka ndodhur. Ka video ku duket qartë se i njëjti person merrte qindra zarfe, i plotësonte, i dorëzonte dhe nuk identifikohej në asnjë moment.

Ne i kërkojmë KQZ-së që të vërë në dispozicion të gjitha nënshkrimet për 53 mijë zarfat e ardhur nga Greqia. Sepse, nëse nuk provohet që këta zgjedhës i kanë marrë personalisht dhe i kanë kthyer po ashtu personalisht përmes DHL-së, atëherë, në këtë rast, këto zarfe nuk mund t’i nënshtrohen as numërimit dhe as vlerësimit", tha Logu.