Flash News

Shembet masivi i mineralit në Klos, merr me vete një fadromë

Plagosja e 5 personave në Laç, gjendet arma e krimit

Vuçiç ndërpret vizitën në SHBA, shtrohet në spital në Serbi

Detaje/ Të shtënat me armë në Laç, emrat e 5 të plagosurve

Të shtëna me armë zjarri në Laç, plagosen 4 persona

Ditari i Opozitës

A do të sakrifikoheshit për idealin e PD-së? Berisha: Ka përpjekje për të stisur një përballje

Politiko 14 Mars 2022, 10:32

A do të sakrifikoheshit për idealin e PD-së? Berisha: Ka

Ish-kryeministri Sali Berisha është pyetur nëse do të sakrifikohej për idealin e PD-së dhe ka deklaruar se ka një përpjekje për të stisur një përballje mes votës së lirë dhe blofit. Ai ka theksuar se mbron votën e lirë, duke shtuar se ata që janë përfshirë në këtë stisje do u lërë blofin në dorë.

“S’po mbroj asgjë tjetër përveç votës së lirë. E vërteta është që ka një përpjekje për të stisur një përballje mes votës së lirë dhe blofit, por atyre që e bëjnë këtë do t’u lëmë blofin në dorë”, tha Berisha.

Këtë deklaratë ish-kryeministri e bëri nga Elbasani, ku mori pjesë ne festimet për Ditën e Verës. Ai tha se në këtë fillim pranvere, mesazhi më i mirë është ai i bashkimit të demokratëve.

“Kjo do jetë pranverë e përpjekjeve të mëdha të demokracisë për ngadhënjimin e saj. Absolutisht, mesazhi më i shkëlqyer është bashkimi i demokratëve rreth votës së lirë dhe idealeve të tyre të lirisë”, u shpreh Berisha.

Ky i fundit uroi shqiptarët, ndërsa një mesazh përcolli edhe për qytetarët që këto ditë kanë mbushur sheshet për të kundërshtuar rritjen e çmimeve.

“Festa e Ditës së Verës është festë e shndërrimeve të mëdha, e lulëzimit, e shpërthimit të burimeve, e çeljes së gjithçkaje të mirë. Në këtë kontekst, uroj që për shqiptarët kjo ditë të sjellë ndërrimin e madh që ata presin me padurim, ndërrimin e narkoshtetit dhe rivendosjen e shtetit ligjor.

Një urim të përzemërt kam për ata qindra mijëra qytetarë shqiptarë që kanë mbushur gjatë këtyre ditëve rrugët dhe sheshet e qyteteve të vendit për të protestuar kundër një politike cinike, të pashpirt, e cila përdor si skuzë, si pretekst hijet e luftës në Ukrainë për të justifikuar rritjen dramatike, absolutisht të pajustifikuar të çmimeve të produkteve më jetike të qytetarëve shqiptarë. Tani dhe njëherë gëzuar këtë ditë për mbarë qytetarët e Elbasanit dhe mbarë shqiptarët!”, tha Berisha.

Kujtojmë që pjesa dërrmuese e demokratëve kërkojnë largimin e kryedemokratit Lulzim Basha nga drejtimi i PD-së. Në mbledhjen e fundit grupi i PD doli me propozimin që Lulzim Basha dhe Sali Berisha, të tërhiqen nga partia duke i hapur rrugë bashkimit të demokratëve.

Gjithashtu kërkuan ngritjen e një grupi të përbashkët për bashkimin e partisë, si dhe propozime të tjera si organizimi i zgjedhjeve me në fokus bashkimin e demokratëve.