Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Adoleshentët u dhunuan"/ Berisha do t'i dërgojë shkresë Bashës, paralajmërimi për kryedemokratin

Politiko 21 Dhjetor 2021, 14:28

"Adoleshentët u dhunuan"/ Berisha do t'i dërgojë

Ish-kryeministri Sali Berisha ka folur pas mbledhjes së shkurtër që zhvilloi me Komisionin e Rithemelimit të PD në selinë blu. Berisha hodhi akuza se interesi kombëtar në këto tetë vite është tradhëtuar nga kryeministri Edi Rama dhe kryedemokrati Lulzim Basha.

Ai ritheksoi se "Open Balkan" synon vendosjen e hegjemonisë serbe në rajon. Berisha është ndalur dhe te protesta e djeshme. Ish-kryeministri akuzoi policinë se ka dhunuar adoleshentët që morën pjesë në protestën e djeshme.

Ai tha se në komisariatin numër 2 në kryeqytet është ushtruar dhunë dhe janë mbajtur deri në orët e vona të natës të mitur dhe të moshuar. Ndërsa në komisariatin numër 1, sipas Berishës, nuk janë bërë keqtrajtime. Gjithashtu shtoi se deputetët, që janë anëtarë dhe të Komisionit të Rithemelimit e kanë ndjekur nga afër situatën.

"Prej 8 vitesh interesi kombëtar në Shqipëri mbeti jetim. Ai u tradhëtua në mënyrë flagrante nga Edvin Kristaq Rama dhe me heshtje nga ish-kreu i opozitës që me program dhe statut duhet të mbronte këtë interes Lulzim brava.

PD e ringritur u dëshmoi dje shqiptarëve se interesi kombëtar ka një avokat të fuqishëm. Kjo nuk është protestë kundër bashkëpunimit rajonal, por kundër aleancës triraterale, që ushqen nacionalizmat dhe largon Ballkanin nga Evropa, vendos hegjemonine serbe në rajon.

Kjo përbën rrezik serioz po të kemi parasysh se dy vende vasale të Beogradit e kanë marrë këtë akt pa marrë miratim nga Aleanca Atlantike. Protesta pati jehonë të gjerë botërore. Dënoj disa akte brutale të narkopolicisë, e cila ka arrestuar njerëz të pafajshëm, i ka keqtrajtuar adoleshentët në furgona, veçanërisht narkobanditët e komisariatit nr.2.

Jam këtu për të paralajmëruar narkopolicinë se revolucioni ynë paqesor nuk do të lejojë dhunimin dhe trajtimin çnjerëzor të pjesmarrësve në protesta. Mbrëmë deri në orën 1 të natës në qelitë e komisariatave me urdhër të Ramës janë mbajtur adoleshentë 15 vjeçar, por dhe burra të moshuar 84-vjeçar. Deputetët dhe anëtaret e komisionit kanë ndjekur në çdo orë situatën në komisariatet 1 dhe 2. Komisariati nr.1 nuk i ka keqtrajtuar. Këtë e ka bërë komisariati nr. 2", tha Berisha.

Ky i fundit bëri me dije se në mbledhjen që zhvilloi në selinë blu, Komisioni i Rithemelimit ka vendosur të nisë nga puna për zbatimin e vendimeve të Kuvendit të 11 dhjetorit.

Berisha njoftoi se Komisioni i Rithemelimit do t'i çojë një shkresë Bashës, ku do ta njoftojë për vendimet e marra, mes tyre dhe shkarkimin e tij. Berisha paralajmëroi kryedemokratin që të mos tentoi t'i kundërvihet referendumit të 18 dhjetorit.

"Sot komisioni pas diskutimesh të gjera ka vendosur të fillojë nga puna për zbatimin e vendimeve të Kuvendit ët 11 dhjetorit. Kjo është një punë intesive, por përkushtimi i demokraëve është më i madh se kurrë. Komisioni vendosit t'i komunikojë deputetit Lulzim Basha vendimet supreme të anëtarëisë në aktin më historik të lirisë gjatë pluralizmit.

Si një akt protokall dhe jo detyrim, deputetit Basha do t'i dërgohet një shkresë, ku do të njoftohet me shkrim për këtë vendim. Ndërkohë për të gjithë anëtarët e PD që votuan më datën 18 dhjetor, komisioni vendosi të njoftojë se anëtarësia është në këmbë dhe e vendosur të zbatojë vendimin e marrë. Mos imagjinojë t'i kundërvihet vendimit të referendumit më të gjerë që është mbajtur në historinë e vendit", tha Berisha.