Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Afera e inceneratorëve, Basha: Tre socialistë të komisionit janë të përfshirë, SPAK mos intimidohet nga Rama

Politiko 20 Shkurt 2022, 13:20

Afera e inceneratorëve, Basha: Tre socialistë të komisionit

Kryedemokrati Lulzim Basha dhe anëtarë të Komisionit Hetimor të Inceneratorëve nga radhët e demokratëve, kanë dalë në një deklaratë për mediet për të folur lidhur me konkluzionet e deritanishme nga hetimet e aferës 430 milionë euro.

Në deklaratën për media, Basha tha se është e pamundur që e gjithë kjo aferë të jetë bërë pa dijeninë e kryeministrit Rama. Kreu i opozitës i bëri thirrje kryeministrit të heqë dorë nga presioni drejtuar SPAK-ut, ndërsa këtij të fundit i kërkoi të mos intimidohet nga presioni i Ramës.

“A ka mundësi në këtë Shqipëri, me këtë njeri që kemi të ulur në karrigen e kryeministrit që të bëhen 17 akte në ditë, të ketë mendime kundër nga institucionet kryesore që e kanë parë që është në shkelje të ligjit, që agjencia e prokurimeve publike mos të dijë asgjë, që sekretari i përgjithshëm të firmosë diçka që rezulton në 23 mln euro pagesa nga shteti, pa e ditur Edi Rama? Po kjo a ka mundësi? Këto akte kanë ndodhur para syve të tij se vendimet merren nga ai. Faktet janë në dritë të diellit dhe java e parë i ka provuar të gjitha denoncimet e PD-së ku shqiptarëve iu janë vjedhur 430 mln euro për mafinë e djegies së plehrave. I bëjë  thirrje Ramës të heq dore nga presioni që i bën SPAK dhe lejoje që të bëjë të gjithë hetimet përfshirë edhe prangosjes së atyre që janë në rrezik arratisje si Zoto e Gullgla dhe të prishin provat. I bëj thirrje SPAK mos u intimido nga presioni i Ramës, paguhesh nga taksat e shqiptarëve për të zbatuar ligjin dhe për të çuar para drejtësisë politikanët e korruptuar”, tha Basha.

Kryedemokrati u shpreh se tre nga anëtarët e socialistëve në komisionin hetimor janë në konflikt interesi, si të përfshirë në procedurat e miratimit të koncesioneve.

“Tre nga anëtarët socialistë të komisionit janë në konflikt interesi, pra janë të përfshirë vetë në etapa të ndryshme të aferës së inceneratorëve. Të gjitha kanë dalë me fakte sot. Deri vitin e kaluar, ishin denoncimet tona, tani komisioni hetimor, që e penguan, e çuan në arrest kardiak dhe pastaj u detyruan ta rifillojnë, për shkak të qëndresës sonë, nxori fakte”, tha Basha.

Të fundit