Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Agron Shehaj: Krimi merr kurajë nga sulmet e Edi Ramës ndaj mediave

Politiko 27 Mars 2023, 22:54

Agron Shehaj: Krimi merr kurajë nga sulmet e Edi Ramës ndaj mediave

Deputeti i PD, Agron Shehaj thotë se deklaratat dhe vendimet e kryeministrit Edi Ramës ndaj medias inkurajojnë krimin ta godasë, duke iu referuar sulmit mafioz ndaj Top Channel. 

Teksa solli në vëmendje rastin ndaj biznesmenit dhe pronarit të News24, Irfan Hysenbelliu, Shehaj tha në Syri tv se Rama i dha mesazh krimit që duke goditur më të fortin mësojnë të gjithë dhe se të godasësh median nuk është më vijë e kuqe. 

"Këtu kemi të bëjmë, përveçse një akt mafioz kriminal, me një sulm kundër një media. Ka lidhje me krimin apo jo? Besoj se po. Besoj se gjendja në të cilën ndodhet media sot, liria e njerëzve për t'u shprehur, është më e rënda në këto 32 vite demokraci. Nuk ka ndodhur që n jë kryeministër të vendosë se cili biznes apo cila godinë do të prishet dhe cila jo, pavarësisht se mund të jenë në paligjshmëri.

Ky është problemi i mungesës së shtetit ligjor në Shqipëri. Këtu se kush e shkel ligjin e vendos kryeministri dhe jo Gjykata. Dhe krimi i rëndomtë në momentin që sheh se godasësh median nuk është më vijë e kuqe, merr kurajo dhe i bie një prej mediave më të rëndësishme në Shqipëri.

Kjo është një çështje politike.

Rrënjët e këtij problemi janë shumë më të mëdha dhe shumë më të thella. Ne shohim Ramën që përdor tritolin...ai është një sinjal, një sinjal i qartë për të gjithë, ai është akt terrorist që i bën një kryeministër sepse ai është një mesazh për të gjithë nga pronarët e medias, gazetarë, analistë, sipërmarrës që të mos guxojnë t'i dalin kundër kryeministrit.

Mesazhi është i thjeshtë, godit më të fortin që ta mësojnë të gjithë. Nuk e bën vetëm me median, e bën me biznesin, e bën me politikanët", tha Shehaj.   

 

 

 

Të fundit