Flash News

Nxjerr të vdekurit debitorë, 400 banorë mësyjnë te Ujësjellësi

Profesorë të arkeologjisë nga SHBA kërkojnë anulimin e vendimit për shkrirjen e ASA

Plas sherri në Himarë, 55-vjeçari përfundon në spital me dëmtime në kokë

I mituri godet me thikë 20-vjeçarin në Tiranë

Seanca për Dakon, GJKKO ndryshon masën për dy të akuzuar

Ditari i Opozitës

“Aksidente dhe zjarre në linjat urbane”, Blushi: Transporti publik në Tiranë po degradon në kolaps

Politiko 28 Mars 2023, 18:04

“Aksidente dhe zjarre në linjat urbane”, Blushi: Transporti

Sekretari i Përgjithshëm i Partisë së Lirisë Tedi Blushi, ka sjellë në vëmendje problemet me transportin publik në kryeqytet, ku është ndalur te rasti i fundit ku një urban i linjës së Kombinatit është përfshirë nga flakët.

Në një postim në Facebook, Blushi u shpreh se aksidentet e autobusëve dëshmojnë se kontrollet ndaj transportit publik për cilësinë dhe sigurinë, nuk kryhen.

 “Transporti publik në Bashkinë e Tiranës është jo vetëm i shtrenjtë dhe pa dinjitet, por edhe i rrezikshëm për jetën.

Aksidentet e autobusëve në javët e fundit, me lëndime qytetarësh, si dhe ngjarja më e fundit e zjarrit në urbanin e linjës së “Kombinatit”, janë dëshmi e qartë se transporti publik nuk kontrollohet as për cilësinë dhe as për sigurinë.

Transporti publik po degradon në kolaps sepse për Erion Veliajn nuk kanë rëndësi qytetarët e Tiranës, por vetëm pasurimi dhe promovimi i vetes”, shkruan Blushi.

Ai ka deklaruar se Transporti publik ka nevojë për një ndryshim rrënjësor, që është edhe arsyeja se përse PL mbështet kandidatin e dalë nga Primaret, Belind Këlliçi, për bashkinë e Tiranës.

“Transformimi rrënjësor i transportit publik në Tiranë është i domosdoshëm. Ky ndryshim do të ndodhë dhe banorët e Tiranës do të kenë autobusë më cilësorë, më të sigurtë dhe falas!

Ndaj mbështesim planin e Belind Këlliçit për një transport publik modern dhe pa pagesë!

Bashkë Fitojmë!”, përfundon Blushi.

Të fundit