Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Ditari i Opozitës

"Alarmante", PD denoncon kapacitetet spitalore: Janë të mbushura me pacientë të infektuar me COVID

Politiko 25 Tetor 2020, 10:43
"Alarmante", PD denoncon kapacitetet spitalore: Janë të
Bardh Spahia

Ish-deputeti i Partisë Demokratike, Bardh Spahia, ka denoncuar kapacitetet spitalore ekzistuese, teksa shprehet se ato janë të mbushura me pacientë të infektuar me COVID.

Nëpërmjet një postimi në Facebook, Spahia i ka bërë thirrje qeverisë që të rrisë kapacitetet, duke theksuar se nëse nuk bëhet asgjë për këtë problem, do ketë kosto të pakthyeshme.

Më tej ai shton se situata është alarmanete, teksa i kërkon qeverisë të heqë dorë nga propaganda.

Reagimi i plotë:

Për të ngritur një repart të terapisë intensive Covid-19, jo spital siç premton në ajër kryeministri-piktor, nuk mjafton një krevat e respirator, por mbi të gjitha duhet personel i trajnuar mirë madje, mjekësor e infermieristik. Dhe me trajnimin e tyre nuk mund të improvizohet, sepse bëhet fjalë për të shërbyer në reparte dhe situata tepër të vështira, bëhet fjalë për jetë njerëzore.

Ky është një shqetësim që e kemi përcjellë në vazhdimësi por autoritetet shqiptare e kanë trajtuar me të vetmin mekanizëm që njohin: propagandën! Të papërgjegjshëm e qesharakë, njëlloj si etërit e tyre në diktaturë që e propagandonin Shqipërinë shkëmb-graniti kur njerëzit merrnin ushqim me tollon, kryeministri dhe ministrja e Shëndetësisë ende artikulojnë dokrra të tipit se kanë kapacitete por ende nuk ka nevojë për to, edhe pse cdo ditë afro 25-30% e të testuarve, sipas shifrave që vetë përcjellin, dalin të infektuar!

Rritja e kapaciteteve do të thotë më shumë mundësi që shumë nga pacientët që lihen në shtëpi edhe kur paraqesin shenja të rëndësishme të mund të trajtohen më shpejt në kushte spitalore duke e përmirësuar shumë prognozën. A e keni pyetur ndonjëherë vehten përse e kemi afro 100% vdekshmërinë e pacientëve covid+ të intubuar, ndërkohë që Italia në pikun maksimal e me pacientë me moshë mesatare shumë më të lartë arrinte në 50%…??

Pra situata është alarmante! Mjaft me video propagande! Merrni masat të rrisni kapacitetet se indiferenca do ketë kosto të pakthyeshme!

Të fundit