Alibeajt i tërhiqen 5 kandidatë brenda ditës në prag të zgjedhjeve të 14 majit

Grupimi Alibeaj po shpërbëhet dalëngadalë. Pa kaluar ende 24 orë nga dorëzimi i listave me emrat që do të garonin në zgjedhjet e 14 majit për deputetin Enkelejd Alibeaj, kandidatët po tërhiqen një e nga një.

Vetëm ditën e sotme kanë lënë garën e zgjedhjeve të 14 majit katër kandidatë të grupit të Alibeajt, kurse kandidati për Vorën nuk ka mundur të regjistrohet në kohë.

Gjergji Gjata, kandidati për Bashkinë e Korçës, është tërhequr nga gara ku me anë të njoftimi ai ka bërë me dije se se bashkë me të, janë tërheuqr nga gara dhe 40 emrat e listuar si këshilltarë bashkiakë.

 “Ju informojmë se unë si kandidati për Kryetar i Bashkisë Korçëë dhe 40 kandidatë për Këshillin Bashkiak, të partisë politike PDSh, tërhiqemi nga gara elektorale (në mënyrë të parevokueshme) për Zgjedhjet Vendore 2023, për mungesë të proçedurave vendimmarrëse në organet drejtuese të PDSh lidhur me kandidimet, si dhe për shkelje të integritetit dhe dinjitetit të të gjithë kandidatëve, cënuar nga vendime personale dhe jo kolegjiale. Urojmë më të mirën për Korçën dhe suksese për kandidatët më të mirë në të gjithë vendin. (Proçedurën zyrtare do e kryejmë sipas rregullave që parashikon ligji, pranë KQZ.)”, njoftoi Gjata.

Një tjetër kandidatë e ka lënë Alibeajn në baltë. Genc Doçi, mjeku që në listat e dorëzuara si kandidat për Bashkinë e Kurbinit, është tërhequr nga gara.

“Te nderuar qytetare te Kurbinit! Une nuk do jem kandidat per zgjedhjet vendore te 14 Maj 2023 , pavarsisht deshires time te madhe per tu perfaqesuar. Kjo ndodhi pasi Kryesia e PDSH vendosi te mos e zyrtarizoje kandidaturen time.

Ju falenderoj te gjitheve per mbeshtetjen qe me keni dhene, e kam ndjere cdo dite ne takimet e shumta qe kemi bere bashke!," mësohet të ketë thënë Doçi.

Po ashtu dhe Sandër Marku, kandidati i deputetit Enkelejd Alibeaj për Bashkinë e Lezhës është tërhequr nga kandidimi. Marku ishte në listat e dorëzuara në minutat e fundit një natë më parë nga Alibeaj në KQZ.

Pas Markut në Lezhë, Doçit në Kurbin dhe Gjatës në Korçë, njoftoi tërheqjen nga gara edhe kandidati i Librazhdit, Bujar Vreto. Ai ka deklaruar për mediat se nuk ka dorëzuar dokumentacionin në KQZ dhe si pasojë as nuk është regjistruar.

“Nuk jam regjistruar, nuk kam hyrë në garë, nuk kam dorëzuar as dokumentacionin në KQZ”, ka thënë Bujar Vreto.

Ndërkaq së fundmi edhe Ibrahim Bruka kandidati i bashkisë Vorë nuk arriti dot të regjistrohet, kjo sipas tij për arsyeje familjare. Bruka shprehet se do të komunikojë me KQZ. Ndërkoh në Vorë do të  kandidojnë Indrit Hoxha dhe Blerim Shera.

“Nuk u regjistrova dot për arsye familjare, do të komunikoj me KQZ”, ka thënë Bruka.

Lista me kandidatët e dorëzuar:

1. Tiranë-Roland Bejko

2. Mallakastër- Agron Kapllanaj

3. Lezhë - Sandër Marku (Tërhequr)

4. Patos- Pranvera Rizai

5. Fier -Eriselda Zotaj Çelaj

6. Korçë-Gjergji Gjata (Tërhequr)

7. Poliçan - Florian Qamo

8. Kuçovë - Ilirjan Koxhaj

9. Kamëz - Bilbil Bajraktari

10. Krujë - Sabah Sheta

11. Dibër - Naim Gazidede

12. Dimal- Dritan Sula

13. Librazhd -Bujar Vreto(Tërhequr)

14. Vorë- Ibrahim Bruka

15. Sarandë- Skënder Muço

16. Mirditë-Mark Ruçi

17. Kurbin- Genc Doçi (Tërhequr)

18. Vau i Dejës- Klomentina Drini