Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Alimehmeti: Dorëheqja e Alibeajt normal pas një humbje dramatike

Politiko 17 Maj 2023, 19:23

Alimehmeti: Dorëheqja e Alibeajt normal pas një humbje dramatike

Ilir Alimehmeti, anëtari i Këshillit Bashkiak të Tiranës nga koalicioni “Bashkë Fitojmë” ka komentuar dorëheqjen e Enkelejd Alibeajt.

I ftuar në "Klan News", Alimehmeti tha se vendimi i Alibeajt për të dhënë dorëheqjen është i natyrshëm pas një humbje dramatike si ajo e zgjedhjeve lokale të 14 majit.

Ai e cilësoi dorëheqjen e Alibeajt edhe si një vendim qytetarie.

"Besoj se e ka menduar dhe vetë dhe ka qenë krejtësisht e natyrshme që pas një humbje dramatike që çoi forcë të katërt PD-në në Tiranë, ku një djalë i ri, dhe përgëzime Qorit që me atë fushatën e tij, tregoi që kishte një kapacitet dhe arriti të imponohej si forcë e tretë për Tiranën dhe kështu që është krejtësisht normale dorëheqja në raste të tilla, megjithëse nuk kuptohet dorëheqja në çfarë pozicioni… I komanduar, nuk do të thotë se ke diçka nga ku të dorëhiqesh.

Megjithatë është një vendim qytetar se në momentin që ke një situatë të caktuar, të marrësh një veprim duke bërë një hap mbrapa është krejtësisht normale ky veprim. E rëndësishme është një diçka shumë e qartë që kemi muaj që e themi se poshtë tek njerëzit në bazë nuk janë kaq të ndara situata. Janë të mbështetura tek njëra-tjetra. Forcat opozitare janë bashkë. Janë si dy rrathë që mbivendosen. Na bashkojnë parime të përbashkëta me demokratë, me forcat e tjera opozitare dhe janë këto arsyet pse ne qëndrojmë së bashku,"-tha Ilir Alimehmeti.

Pjesa e Partisë Demokratike që u drejtua nga Enkelejd Alibeaj dhe garuar me simbolet zyrtare të PD-së në zgjedhjet lokale të 14 majit, nuk arriti të dilte forcë e parë në asnjë prej bashkive. Madje as e dyta. Të gjithë kandidatët e dalë nga Alibeaj dolën të tretët në renditjen e bërë publike edhe nga Komisioni Qendror i Zgjedhjeve. Në Finiq ishte vendi i vetëm ku emri i dalë nga Alibeaj doli i dyti.


 

 

Të fundit