Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Alimehmeti: Mungesa e AKU-së rrezikon sigurinë ushqimore, ka një vakum ligjor

Politiko 6 Shkurt 2026, 09:33

Alimehmeti: Mungesa e AKU-së rrezikon sigurinë ushqimore, ka një

Mjeku Ilir Alimehmeti, ka ngritur alarmin për mungesën e gjatë të kontrollit nga Agjencia Kombëtare e Ushqimit (AKU) dhe pasojat që kjo mund të ketë për konsumatorët shqiptarë.

I ftuar në Syri Tv, Alimehmeti tha se tregu ka ndryshuar dhe është bërë më kompleks, me produkte të importuara dhe të përpunuara, duke e bërë më të vështirë monitorimin e sigurisë ushqimore.

“Kemi një mungesë serioze prej shumë kohësh të AKU-së. Sot ne jemi global, importojmë, eksportojmë, vijnë ushqime të përpunuara sa të duash. Është shumë më e vështirë tregu sesa njëherë e një kohë,” tha Alimehmeti.

Ai shtoi se problemet e vogla, të përditshme, janë më të rrezikshme se rastet akute, që bien menjëherë në sy.

“Problemi akut bie në sy dhe mund ta zgjidhësh shpejt. Por kjo e ngadalta, kjo vrasja e heshtur, e qetë, ne e shohim kur na bllokohen domate apo speca, por brenda s’kemi bllokuar kurrë. Nuk i kontrollon askush,” tha eksperti.

Alimehmeti theksoi gjithashtu ekzistencën e një vakumi ligjor, sidomos për substanca të rrezikshme si arseniku inorganik në miellra dhe drithëra.

“Ne nuk kemi një nivel të përcaktuar për arsenikun inorganik. Bashkimi Europian ka, ne nuk kemi. AKU ka detyrën të vendosë nivelet dhe të monitorojë produktet në treg, duke folur gjithashtu me autoritetin europian të sigurisë ushqimore. Dhe sheh që aty ka një vakum ligjor. Tashti, është lënë me qëllim, s'është lënë me qëllim, hajde ta diskutojmë neve. Pra ka një vakum ligjor dhe ajo direktiva që është e Bashkimit Europian,” theksoi ai.

Alimehmeti përfundoi duke nënvizuar rëndësinë e një sistemi më efikas dhe të shpejtë kontrolli për të garantuar sigurinë ushqimore dhe shëndetin e popullsisë.

“Problemet e fshehta janë më të rrezikshme se ato që bien menjëherë në sy. Duhet të veprojmë sa më shpejt për t’i parandaluar,” tha ai.

Të fundit