Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Alimehmeti: Rama në vështirësi politike, duhet penguar ndryshimi i njëanshëm i Kodit Penal

Politiko 12 Shkurt 2026, 18:26

Alimehmeti: Rama në vështirësi politike, duhet penguar ndryshimi

Anëtari i Këshillit Kombëtar të Partisë Demokratike, Ilir Alimehmeti, deklaroi se kryeministri Edi Rama ndodhet në një situatë të vështirë politike, çka sipas tij reflektohet si në veprimet ndaj drejtësisë, ashtu edhe në reagimin e mazhorancës gjatë protestave të fundit.

I ftuar në Syri TV, Alimehmeti u shpreh se “Rama është në një situatë krejtësisht të pafavorshme”, duke shtuar se kjo, sipas tij, shpjegon “goditjet ndaj drejtësisë” dhe tensionin e shfaqur gjatë protestave.

Duke folur për tryezën e zhvilluar nga Forumi për Dialogun Politik, Alimehmeti theksoi se prioriteti kryesor i opozitës është ndalimi i ndryshimeve të njëanshme në Kodin Penal nga mazhoranca.

"Absolutisht, në radhë të parë, ju e dini që Edi Rama është në një situatë krejtësisht të pafavorshme për të. Është shumë i qartë dhe kjo është arsyeja pse po bën dhe goditjet ndaj drejtësisë, siç ju me të drejtë i përmendët pak më parë. Dhe kjo shpjegon edhe humbjen e nervave, po ta shihni gjatë protestës kur policia bën akte komplet të paprovokuara, të cilat mund të ishin shmangur krejtësisht në një gjendje më të qetë të drejtuesve të saj. Po me sa duket nuk është e atillë. Dhe po kaloj menjëherë tani tek pyetja që ju bëtë.

Atëherë, ky është një takim i cili u koordinua nga forumi për dialogun politik, që në bashkërendim, ju e dini sepse tashmë ato kanë bërë deklaratat e tyre në muajin janar, në fund të muajit janar, ku tentojnë të bëjnë këtë harmonizim po themi ndër forcat politike, patjetër, është kjo në unifikim me qëndrimin e Partisë Demokratike. Për sa kohë kjo shërben në përballjen me Edi Ramën dhe arritjen e objektivave opozitare që neve kemi të vendosura.

Ajo ishte një tavolinë ku pati diskutim. Nuk është se ishte diçka ku kishte një skenar, pati një diskutim, por në fund të fare, në mënyrë të harmonizuar dhe të unifikuar, ju i patë dhe deklaratat e nënkryetarit të Partisë Demokratike, zotit Boçi dhe të zotit Hasimi si përfaqësues i forumit për dialogun politik, ku ata shumë qartë shprehen në radhë të parë që, edhe sepse është nevoja më e ngutshme, duhet penguar me doemos ndryshimi i kodit penal nga ana e mazhorancës, nga ana e Edi Ramës, në mënyrë unilaterale, pikërisht sepse ai është në risk tashmë", tha Alimehmeti.