Flash News

Plagosje me thikë në Durrës, autori në arrati

Aksident pranë shkollës “Ismail Qemali” në Tiranë, plagoset rëndë motoristi

Votat e diasporës/ Gafë apo manipulim?!Numërohen 43 mijë fletë, ndërkohë që ishin regjistruar vetëm 42 mijë votues

Shkrimtarja polake: Rrofsh parti, rrofsh brez i ri politikanësh shqiptarë me mbështetje nga mafia!

Sulmohet me breshëri kallashnikovi një automjet i blinduar në Greqi, shpëton shoferi

Ditari i Opozitës

Alimehmeti: Zgjedhjet nuk ishin të ndershme, OSBE/ODIHR ka fakte dhe dëshmi për shkelje

Politiko 17 Maj 2025, 21:15

Alimehmeti: Zgjedhjet nuk ishin të ndershme, OSBE/ODIHR ka fakte dhe

Partia Demokratike siguroi vetëm 13 mandate në qarkun e Tiranës në zgjedhjet e 11 majit, duke lënë jashtë Kuvendit disa nga figurat publike që kandiduan përmes listave të hapura. Ndër ta ishte edhe mjeku Ilir Alimehmeti, i cili nuk arriti të fitonte mandat, pasi i vetmi mandat preferencial i demokratëve në këtë qark shkoi për Jorida Tabakun.

I ftuar në emisionin “Off the Record” në A2 CNN me gazetarin Andrea Danglli, Alimehmeti komentoi humbjen dhe procesin zgjedhor, duke u ndalur te gjetjet e raportit paraprak të OSBE/ODIHR. Ai theksoi se zgjedhjet nuk kanë qenë të lira dhe të ndershme dhe ngriti akuza për presion ndaj administratës si dhe për blerje votash nga Partia Socialiste.

“Mendoj që të gjithë e keni të qartë dhe e keni vëzhguar se si janë zhvilluar zgjedhjet në Shqipëri. Unë jam njeri shumë institucional dhe flas vetëm me çfarë kemi zyrtarisht në dorë. Raporti paraprak i OSBE/ODIHR është shumë i qartë: kandidatët nuk kanë qenë të barabartë, është përdorur administrata dhe shteti”, tha ai.

Alimehmeti theksoi se këtë herë raporti i OSBE/ODIHR nuk flet më për “raportime” por për raste të “dëshmuara”, çka sipas tij tregon se shkeljet janë vërejtur drejtpërdrejt nga vëzhguesit ndërkombëtarë.

“Nëse pranojmë se këto janë zgjedhje të lira, atëherë kemi gabuar sistem. Hajde të themi se jemi në diktaturë dhe ta mbyllim këtë bisedë. Nëse jemi në demokraci, atëherë kjo që ndodh është e papranueshme. Madje ka pasur dhe probleme qesharake si numërimi i më shumë zarfeve nga Diaspora sesa janë deklaruar – pra, sistemi ka dështuar”, u shpreh Alimehmeti.

Të fundit